Kapitulli 9
Djali Jezus
Jezusi u rrit në qytetin e Nazaretit. Ai mësoi shumë gjëra dhe “forcohej në frymë,… dhe hiri i Perëndisë ishte mbi të.”
Kur Jezusi ishte 12 vjeç, Ai shkoi me Jozefin dhe Marien tek një grup njerëzish në një festë në Jeruzalem. Ata qëndruan atje për disa ditë.
Kur Jozefi dhe Maria u larguan për në shtëpi, ata menduan se Jezusi po kthehej në Nazaret me miqtë e Tij. Por Jezusi kishte qëndruar në Jeruzalem.
Kur Jozefi dhe Maria kërkuan për Jezusin, ata nuk mund t’a gjenin. Asnjë në grupin e tyre nuk e kishte parë. Kështu Jozefi dhe Maria u kthyen në Jeruzalem. Ata kërkuan për Jezusin për tre ditë. Ata ishin shumë të dëshpëruar.
Më në fund ata e gjetën Jezusin në tempull duke biseduar me disa mësues. Ai po u përgjigjej pyetjeve të tyre. Mësuesit ishin befasuar nga njohuritë e shumta që kishte Jezusi.
Lluka 2:46-47 shpjegim në fund të faqes
Maria i tregoi Jezusit se ajo dhe Jozefi ishin shqetësuar për Të. Jezusi u përgjigj se Ai po bënte punën e Atit të Tij – punën e Perëndisë. Jozefi dhe Maria nuk kuptuan.
Jezusi shkoi në shtëpi në Nazaret me Jozefin dhe Marien dhe iu bind atyre.
Jezusi mësoi shumë e më shumë mbi punën e Atit të Tij Qiellor.
Ai u rrit i gjatë dhe i fortë.
Njerëzit e donin. Ai bëri atë që Perëndia donte që Ai të bënte.
Perëndia e donte Atë.