Kapitulli 14
Nikodemi
Nikodemi i përkiste një grupi hebrenjsh që quheshin Farisenj. Ai ishte gjithashtu një sundimtar i hebrenjve. Shumë farisenj nuk besonin se Jezu Krishti ishte dërguar nga Perëndia. Por Nikodemi besonte për shkak të mrekullive që Jezusi kishte bërë.
Nikodemi erdhi një natë të fliste me Shpëtimtarin. Jezusi i tha atij se askush nuk mund të hynte në mbretërinë e Perëndisë pa u lindur rishtas.
Nikodemi nuk e kuptoi. Si mund të lindë përsëri një njeri? Shpëtimtari shpjegoi se Ai po fliste për gjëra shpirtërore.
Jezusi shpjegoi se Ai ishte dërguar në tokë për të na ndihmuar të gjithëve që të kthehemi tek Ati Qiellor. Ai tha se do të vuante për mëkatet tona dhe do të vdiste në një kryq, që ne të mund të kemi jetë të përjetshme.
Ai tha se ne duhet të besojmë në Të dhe të zgjedhim të drejtën.