Kapitulli 19
Predikimi në Mal
Një ditë Jezusi u mësoi dishepujve të Tij ungjillin në faqen e një mali pranë Detit të Galilesë.
Ai u tregoi atyre se si të jetonin që të mund të ishin të lumtur dhe të jetonin përsëri me Atin Qiellor. Gjërat që ai u mësoi atyre mund të na bëjnë edhe ne të lumtur.
Jezusi tha se ne duhet të jemi të butë, të durueshëm dhe të gatshëm për t’iu bindur Atit Qiellor.
Ne duhet të përpiqemi me sa mundemi për të qenë të drejtë.
Ne duhet të falim njerëzit që na dëmtojnë ose na bëjnë të ndihemi keq. Nëse ne i falim ata, Ati Qiellor do të na falë ne.
Ne duhet të jemi paqeruajtës, t’i duam njerëzit e tjerë dhe t’i ndihmojmë të gjithë ta duan njëri-tjetrin.
Ne nuk duhet të trembemi që t’u tregojmë njerëzve mbi ungjillin ose t’u tregojmë atyre që ne e duam Atin Qiellor. Kur njerëzit e tjerë na shohin që bëjmë mirë, kjo do t’i ndihmojë edhe ata të besojnë në Perëndi.
Ne duhet gjithnjë të mbajmë premtimet tona.
Dhe ashtu si ne duam që të tjerët të jenë zemërmirë me ne, ne duhet të jemi zemërmirë me ta.
Jezusi tha se nëse ne i bëjmë këto gjëra, ne do të jemi të lumtur, Ati Qiellor do të na bekojë dhe ne do të jetojmë përsëri me Të.