Kapitulli 48
Talentet
Jezusi u tregoi dishepujve të Tij një histori mbi një burrë që u dha shërbëtorëve të tij disa talenta. Një talent ishte një shumë e madhe të hollash.
Burri i dha një shërbëtori pesë talente. Ai i dha një shërbëtori tjetër dy talente. Ai i dha një shërbëtori të tretë një talent. Pastaj burri shkoi në një udhëtim.
Shërbëtori me pesë talente punoi fort. Ai fitoi pesë talente të tjera. Ai tani kishte dhjetë talente.
Shërbëtori me dy talente punoi gjithashtu fort. Ai fitoi dy talente të tjera. Ai tani kishte katër talente.
Shërbëtori me një talent e groposi atë në tokë. Ai kishte frikë se mos e humbiste. Ai nuk punoi për të fituar talente të tjera.
Kur burri u kthye, ai i pyeti shërbëtorët se çfarë kishin bërë me talentet e tij.
Shërbëtori i parë i solli atij dhjetë talente. Burri u lumturua. Ai e bëri shërbëtorin prijës për shumë gjëra dhe i tha atij të ishte i gëzuar.
Shërbëtori i dytë i solli burrit katër talente. Kjo gjithashtu e lumturoi burrin. Ai e bëri shërbëtorin e dytë prijës për shumë gjëra dhe i tha atij të ishte i gëzuar.
Shërbëtori i tretë i ktheu burrit talentin që kishte groposur. Burri nuk u lumturua. Ai tha se shërbëtori ishte përtac. Ai duhej të kishte punuar fort për të fituar më shumë talente.
Burri e mori talentin nga shërbëtori i tretë dhe ja dha atë shërbëtorit të parë. Pastaj ai e largoi shërbëtorin përtac. Burri në histori është si Jezusi. Ne jemi si shërbëtorët. Jezusi do të gjykojë se si secili nga ne i përdor dhuratat që ka.