Kapitulli 37
Dhjetë Lebrozët
Jezusi shkoi në një qytet të vogël ku pa dhjetë lebrozë. Lebrozët janë njerëz të sëmurë. Sëmundja e tyre bën që ata të kenë dhimbje të tmerrshme në të gjithë trupin.
Mjekët nuk mund t’i ndihmonin lebrozët. Njerëzit kishin frikë t’u afroheshin. Ata nuk donin të sëmureshin gjithashtu.
Lebrozët i kërkuan Jezusit t’i shëronte. Ata e dinin se Ai mund të bënte që dhimbjet e tyre të largoheshin.
Jezusi donte që ata të ishin mirë. Ai u tha atyre të shkonin dhe të paraqiteshin tek priftërinjtë e tyre.
Gjatë rrugës për tek priftërinjtë, dhjetë lebrozët u shëruan. Dhimbjet e tyre u larguan.
Një nga lebrozët e dinte se Jezusi i kishte shëruar. Ai shkoi përsëri për ta falënderuar Atë. Jezusi e pyeti ku ishin nëntë lebrozët e tjerë. Ata nuk ishin kthyer. Jezusi i tha lebrozit, që e kishte falënderuar, se besimi i vet atij e kishte shëruar.