Kapitulli 43
Jezusi Rikthen në Jetë Llazarin
Një burrë i quajtur Llazar jetonte në Betani me motrat e tij Marie dhe Marta. Jezusi e donte Llazarin e motrat e tij dhe ata e donin Jezusin.
Llazari u sëmur shumë. Shpëtimtari ishte në një qytet tjetër. Maria dhe Marta i çuan fjalë Atij se Llazari ishte sëmurë.
Shpëtimtari u kërkoi dishepujve të Tij që të venin me Të për të ndihmuar Llazarin. Dishepujt kishin frikë të shkonin në Betani. Ai ishte pranë Jeruzalemit. Disa njerëz në Jeruzalem donin të vrisnin Jezusin.
Jezusi u tha dishepujve të tij se Llazari kishte vdekur. Ai tha se Ai do ta rikthente atë përsëri në jetë. Kjo mrekulli do t’i ndihmonte dishepujt të dinin se Ai ishte Shpëtimtari. Jezusi shkoi në Betani. Kur Ai arriti atje, Llazari kishte vdekur që përpara katër ditësh.
Marta i tha Jezusit se Lazari do të ishte akoma gjallë nëse Ai do të kishte ardhur më shpejt. Jezusi tha se Llazari do të jetonte përsëri. Ai e pyeti Martën nëse ajo besonte tek Ai. Marta tha po. Ajo e dinte se Jezusi ishte Shpëtimtari.
Marta e la Jezusin të merrte motrën e saj, Marien. Maria shkoi të takonte Jezusin gjithashtu. Shumë njerëz e ndoqën atë. Maria u gjunjëzua, duke qarë, te këmbët e Shpëtimtarit. Njerëzit që ishin me të gjithashtu po qanin. Jezusi pyeti se ku ishte trupi i Llazarit.
Jezusi shkoi te shpella ku ishte varrosur Llazari. Atje ishte një gurë përpara saj. Ai u tha njerëzve ta lëviznin gurin.
Jezusi pa lart. Ai falënderoi Atin Qiellor që i dëgjonte lutjet e Tij.
Pastaj, me zë të lartë, Jezusi i tha Llazarit të dilte nga shpella. Llazari doli. Shumë njerëz që e panë mrekullinë besonin tani se Jezusi ishte Shpëtimtari.