“Maipapan iti Daan a Tulag,” Dagiti Estoria iti Daan a Tulag (2022)
“Maipapan iti Daan a Tulag,” Dagiti Estoria iti Daan a Tulag
Maipapan iti Daan a Tulag
Dagiti kari ti Nailangitan nga Ama kadagiti annakna nabayagen a panawen ti naglabas
Ti umuna a paset ti Nasantuan a Biblia ket ti Daan a Tulag. Naisurat dagitoy a nasantuan a kasuratan nabayagen a panawen ti napalabas, uray sakbay pay ti pannakayanak ni Jesucristo. Addaan daytoy kadagiti estoria a mangtulong kadatayo a maaddaan iti pammati Kenkuana. Isurona kadatayo a tunggal tao iti daga ket paset ti pamilia ti Nailangitan nga Ama ken ay-ayatenna dagiti annakna.
Deuteronomio 7:7–9; Isaias 45:10–12
Iti Daan a Tulag, naawagan ni Jesucristo iti Jehova ken iti Apo. Surotenna dagiti pangiturong ti Nailangitan nga Ama. Manipud pay iti panawen da Adan ken Eva, imbaon ti Nailangitan nga Ama ni Apo a Jesucristo a kasaritana dagiti propetana. Ibaon ti Nailangitan nga Ama ti Espiritu Santo a mangtulong kadatayo a mangammo a pudno dagiti balikas ti maysa a propeta.
Exodo 6:2–3; 2 Cronicas 20:20; Amos 3:7; 2 Pedro 1:21; Moises 2:1
Inkari ti Apo ken ni propeta Abraham ken ti asawana a ni Sara a dumakkelto ti pamiliada ken mangbendision iti intero a daga. Dakkel ti pamilia ti apokoda a ni Jacob a nagbalin a pagilian. Naawaganda iti balay ti Israel, wenno Israelita. Insuro kadakuada dagiti propeta a mangpadaan inton umay ni Jesucristo.
Genesis 15:5–6; 17:1–8; Deuteronomio 18:15; Isaias 7:14
Ipakita ti adu nga estoria iti Daan a Tulag no kasano a tinungpal ti Apo dagiti karina kadagiti Israelita.
Genesis 9:13–17; Jeremias 11:4–5; Hebreo 11:1–35
Idi dimngeg dagiti Israelita kadagiti propeta ken tinungpalda dagiti bilin, tinulongan ida ti Apo. Idi nagsukirda, saanna a natulongan ida.
Deuteronomio 11:26–28; Job 36:11–12
Pasetka ti maysa a pamilia ti Nailangitan nga Ama. Naasi ti Nailangitan nga Ama ken ay-ayatennakayo. Adda maysa a planona para kadakayo. Gapu ken ni Apo Jesucristo, makasublikayo a makipagnaed manen iti Nailangitan nga Ama. Kas met laeng iti pannakaisuro dagiti Israelita, mabalinyo a pilien ti maaddaan iti pammati iti Apo ken agtungpal kadagiti bilinna.