“Nehemias,” Dagiti Estoria iti Daan a Tulag (2022)
“Nehemias,” Dagiti Estoria iti Daan a Tulag
Nehemias 1–2; 4; 6
Nehemias
Panangbangon manen iti pader iti Jerusalem
Maysa a Judio ni Nehemias a nagnaed iti Persia. Isu ti mapagtalkan nga adipen ti ari. Maysa nga aldaw nangngeg ni Nehemias nga agsagsagaba dagiti Judio iti Jerusalem. Nadadael dagiti pader a mangsalsaluad iti Jerusalem ket saan a kaano man nabangon manen. Nagpeggad ti Jerusalem. Nagayuno ken nagkararag ni Nehemias para iti tulong ti Apo.
Dinamag ti ari ken ni Nehemias no apay a nalaus unay ti panagleddaangna. Imbagana iti ari maipapan iti peggad iti Jerusalem. Kinuna ti ari a mabalinna ti tumulong. Naidawat ni Nehemias a mapan iti Jerusalem ket bangonenna manen ti pader. Inaramid ti ari ni Nehemias a maysa a dadaulo ket intedna kenkuana dagiti abasto a kasapulanna.
Inrugi ni Nehemias ken dagiti Judio a binangon manen dagiti pader ti Jerusalem. Ngem kinatkatawaan ida dagiti kabusorda ket ginandatda a pagsardengen ida.
Pinadas dagiti kabusor ti mangsikap ken ni Nehemias tapno mapapanawda iti siudad. Ngem saan a pimmanaw ni Nehemias. Nagtalek iti Apo. Naindaklan dagiti inar-aramidna.
Imbaga ni Nehemias kadagiti taona a saanda nga agbuteng. Nagikabilda kadagiti agbambantay iti pader tapno mapagtalinaed a natalged daytoy. Nagtultuloy dagiti Judio a nangbangon iti pader. Inikkan ti Apo iti pigsa dagiti Judio, ket nalpasda ti pader iti uneg ti 52 nga aldaw. Natalged manen ti Jerusalem.