“Da Sidrac, Misac, ken Abdenago Dagiti Estoria iti Daan a Tulag (2022)
“Da Sidrac, Misac, ken Abdenago Dagiti Estoria iti Daan a Tulag
Daniel 1; 3
Da Sidrac, Misac, ken Abdenago
Maysa a napeggad a pannubok ti pammati
Nagaramid ni Ari Nabucodonosor iti higante, nga istatua a balitok ket pinilitna dagiti taona nga agdaydayaw iti daytoy. No agkedkedda, maikabilda iti maysa nga orno a sumsumged.
Inayat dagiti gagayyem ni Daniel a da Sidrac, Misac, ken Abdenago ti Dios ken saanda nga agdaydayaw iti palso a dios ti ari. Nagpungtot ti ari kadakuada.
Imbaga dagiti tallo nga aggagayyem iti ari nga agdaydayawda laeng iti Dios. Namatida a masaluadan ida ti Dios. Ngem uray pay no dina isalakan ida, itakderanda latta no ania ti patienda.
Nagpungtot unay ti ari kada Sidrac, Misac, ken Abdenago. Pinaipuruakna ida iti orno a sumsumged. Ngem idi kimmita ti ari iti orno, nasdaaw daytoy a makakita iti nailangitan a parsua nga adda iti apuy a kadua ti tallo a lallaki. Saanda a nadangran iti apuy.
Inawagan ti ari da Sidrac, Misac, ken Abdenago ket immadayoda manipud iti orno. Saan a dinangran ida ti apuy wenno pinuoran dagiti kawesda.
Nagtungpal da Sidrac, Misac, ken Abdenago kadagiti bilin ti Dios, uray no nagpeggad ti biagda. Tinulongan ti pagwadanda ti ari a mamati iti Dios.