“Ni Jeremias a Propeta,” Dagiti Estoria iti Daan a Tulag (2022)
“Ni Jeremias a Propeta,” Dagiti Estoria iti Daan a Tulag
Ni Jeremias a Propeta
Naawagan sakbay ti pannakayanakna
Nagnaed ni Jeremias iti Jerusalem idi ubing pay. Maysa nga aldaw napan ti Apo ken ni Jeremias ket inawaganna isuna nga agbalin a maysa a propeta. Imbaga ti Apo ken ni Jeremias nga isu ket napili nga agbalin a propeta sakbay ti pannakayanakna. Ammo ti Apo nga agbalinto a narigat ti biag ni Jeremias. Ngem inkarina ken ni Jeremias a kanayon a kaduaennanto daytoy.
Saan a tinungpal dagiti tao iti Jerusalem dagiti karida iti Apo. Gapu iti kinadangkesda, binallaagan ni Jeremias dagiti tao a maparmekdanto. Kinuna ti Apo a no ngilinenda a nasantuan ti aldaw ti Sabbath, saanto a madadael ti siudad ti Jerusalem. Ngem saan a dimngeg dagiti tao.
Jeremias 6:1–19; 8–9; 17:21–27
Insuro ni Jeremias dagiti tao iti uneg ti adu a tawen. Ngem saanda a nagbabawi. Ketdi, dinangranda ni Jeremias ket impupokda iti pagbaludan.
Jeremias 20:2; 26:8–9; 37:15–18; 38:6
Inayat ni Jeremias dagiti tao. Nagsangit gapu kadagiti basolda. Kas met laeng iti kinunana, nadadael ti Jerusalem, ket natiliw dagiti tao.
Jeremias 9:1–8; 25:9–12; 52:1–10
Naipan ni Jeremias iti Ehipto. Imbaga kenkuana ti Apo nga isuratna dagiti padtona. Tinungpal ni Jeremias ti Apo uray no narigat dagiti banag. Intuloyna nga imbaga kadagiti taona nga agtungpal kadagiti karida iti Apo.