Genesis 4; Moises 5–6

Ti Pamilia da Adan ken Eva

Panagpili a sumurot iti Apo

Kalpasan a pimmanaw da Adan ken Eva iti Minuyongan ti Eden, intuloyda nga inadal maipapan iti plano ti Nailangitan nga Ama para kadakuada iti daga. Naaddaanda iti adu nga annak ken insuroda kadakuada ti amin nga ammoda maipapan iti Apo. Sumagmamano kadagiti annak da Adan ken Eva ti nangpili nga agtungpal iti Apo. Ngem sumagmamano kadakuada ti nangpili a saan nga agtungpal.

Moises 5:1–12; 6:15

Nangpatalinaed ti pamilia da Adan ken Eva iti maysa a libro a pakalaglagipan. Insuratda ti pakasaritaan ti pamiliada iti libro. Insuratda maipapan no kasano a tinulongan ida ti Apo.

Moises 6:5–6

Da Cain ken Abel ti dua nga annak a lallaki da Adan ken Eva. Inayat ni Abel ti Apo ken pilina ti agtungpal Kenkuana. Saan a tinungpal ni Cain ti Apo. Pinilina ti agrebelde.

Genesis 4:1–16

Nagtultuloy a dumakdakkel ti pamilia da Adan ken Eva. Umad-adu pay dagiti tao a nayanak. Addaanda amin iti wayawaya nga agpili. Idi agangay, sumagmamano a tao ti nagrebelde a maibusor kadagiti bilin ti Apo. Nangibaon ti Apo kadagiti propeta a mangisuro kadagiti tao nga agbabawi.

Genesis 4:25–26; Moises 5:13; 6:23