“Ni Daniel ken dagiti Gagayyemna,” Dagiti Estoria iti Daan a Tulag (2022)
“Ni Daniel ken dagiti Gagayyemna,” Dagiti Estoria iti Daan a Tulag
Daniel 1
Ni Daniel ken dagiti Gagayyemna
Panagkedked a mangan iti taraon ti ari
Pinarmek ti pagarian ti Babilonia ti Jerusalem. Innalada ti sumagmamano a kalaingan ken kapigsaan nga agtutubo a lallaki manipud kadagiti pamiliada iti Jerusalem ket insublida ida iti Babilonia nga agserbi iti ari.
Ni Daniel ken dagiti gagayyemna ti sumagmamano kadagitoy nga agtutubo a lallaki. Napilida nga agserbi iti korte ti ari ken agbalinda a masirib a lallakina.
Inikkan ti ari ni Daniel ken dagiti gagayyemna iti taraon ken arak. Ngem saanda a mangan iti taraon ti ari wenno uminum iti arak. Maisuppiat daytoy kadagiti bilin ti Dios.
Daytoy ti namagbuteng iti adipen ti ari para iti biagna. Inaywananna ni Daniel ken dagiti gagayyemna, ken napanunotna a no agkedkedda iti taraon ti ari, dumakkeldanto a nakapkapsut ngem dagiti dadduma pay nga agtutubo a lallaki. Kalpasanna agpungtot ti ari ket ipapatayna ti adipen.
Ngem nagtalek ni Daniel iti Dios ken kayatna ti agtungpal kadagiti bilinna. Indawat ni Daniel iti adipen a mangted kadakuada iti danum ken bukbukel para iti 10 nga aldaw ket kalpasanna idiligda iti salun-atda iti salun-at dagiti dadduma pay nga agtutubo a lallaki. Immanamong ti adipen.
Kalpasan ti 10 nga aldaw, nasalsalun-at ni Daniel ken dagiti gagayyemna ngem dagiti amin a dadduma pay nga agtutubo a lallaki. Sinurot ni Daniel ken dagiti gagayyemna dagiti bilin ti Dios, ket inaramid ti Dios ida a kasisiriban a lallaki iti korte ti ari.