“Ni Enoc a Propeta,” Dagiti Estoria iti Daan a Tulag (2022)
“Ni Enoc ti Propeta,” Dagiti Estoria iti Daan a Tulag
Genesis 5; Moises 6–7
Ni Enoc a Propeta
No kasano nga insalakan ti pammati iti Apo ti maysa a siudad
Indawat ni Apo Jesucristo ken ni Enoc a mangibaga kadagiti tao nga agbabawi. Ngem impagarup ni Enoc a saan a makapagsao a nasayaat. Nagbuteng amangan ta saan a dumngeg dagiti tao kenkuana.
Inkari ti Apo a papigsaen ken saluadanna ni Enoc uray no saan a kayat ti sumagmamano a tao ti insuro ni Enoc.
Ti kari ti Apo ti nangted iti tured ken ni Enoc. Tinungpal ni Enoc ti Apo ken insurona dagiti tao nga addaan iti bileg. Insurona ti maipapan ken Jesucristo, panagbabawi, panagbuniag, ken ti Espiritu Santo. Sumagmamano a tao ti namati ken ni Enoc ket kayatda ti sumurot iti Apo.
Addaan ni Enoc iti turay manipud iti Dios tapno mangbuniag. Nabuniagan ti amin a tao a namati ken ni Enoc ken ad-adda nga immasidegda iti Apo. Awan ti nakurapay gapu ta inaywananda ti tunggal maysa. Naawaganda iti Zion gapu ta nagbiagda a sangsangkamaysa iti ayat ken kinalinteg.
Maysa nga aldaw impakita ti Apo ken ni Enoc iti maysa a parmata ti amin a mapasamakto iti daga. Nakita ni Enoc ti biag, ipapatay, ken Panagungar ni Jesucristo. Naammuan ni Enoc a kadagiti maudi nga aldaw maisublinto ti ebanghelio. Nakitana pay ti Maikadua a Yaay ni Jesus.
Iti kamaudianan, namati ken ni Enoc ti amin a tao iti siudad ti Sion ken nagbabawida. Gapu ta inaywananda ti tunggal maysa ken nagbiagda a sitatalna, innala ida ti Apo a nakipagnaed Kenkuana.