“Ni Ubing a David,” Dagiti Estoria iti Daan a Tulag (2022)
“Ni Ubing a David,” Dagiti Estoria iti Daan a Tulag
Ni Ubing a David
Naawagan nga agbalin nga ari ti maysa nga ubing a lalaki nga agpaspastor
Imbaon ti Apo ni propeta Samuel a mangsapul iti maysa a baro nga ari. Insardeng ni Saul, nga ari iti dayta a panawen, ti nangsurot iti Apo. Imbaga ti Apo ken ni Samuel nga agbaniaga iti Betlehem ket sapulenna ti maysa a lalaki nga agnagan iti Jesse. Ti baro nga ari ket maysa kadagiti annak a lallaki ni Jesse.
Natayag ken nabaked dagiti in-inauna nga annak ni Jesse. Ngem imbaga ti Apo ken ni Samuel a saanna ida a kedngan iti panaglanglangada.
Dinamag ni Samuel ken ni Jesse no adda pay sabali nga annakna a lallaki. Kinuna ni Jesse ti inaudi nga anakna, ni David, ti agay-aywan kadagiti karnero. Nayeg ni David ken ni Samuel.
Basbassit ni David ngem dagiti kakabsatna ken maysa laeng daytoy nga ubing nga agpaspastor. Ngem saan nga ikankano ti Apo no ania ti langa ni David. Ammo ti Apo a napno ti puso ni David iti pammati. Imbagana ken ni Samuel nga agbalinto nga ari ni David. Binendisionan ni Samuel ni David. Insagana ti Espiritu ti Apo ni David nga agbalinto nga ari.