“Ni Daniel ken ti Rukib dagiti Leon,” Dagiti Estoria iti Daan a Tulag (2022)
“Ni Daniel ken ti Rukib dagiti Leon,” Dagiti Estoria iti Daan a Tulag
Daniel 6
Ni Daniel ken ti Rukib dagiti Leon
Tured iti maysa a lalaki nga agkararag
Nagbalin ni Dario nga agturay iti Babilonia. Ipatpategna ni Daniel ken kayatna a pagbalinen a dadaulo iti intero a pagarian. Nagilem ti sumagmamano a mamasirib a lallaki ti ari.
Ammo dagiti mamasirib a lallaki a nagkararag ni Daniel iti Dios, isu nga inallilawda ti ari iti panagaramidna iti maysa a baro a linteg. Asino man nga agkararag iti Dios ket maipuruak iti rukib dagiti leon.
Pinili ni Daniel ti agkararag iti Dios nupay kasta. Nakita dagiti mamasirib a lallaki ti ari ni Daniel nga agkarkararag ket imbagada iti ari nga aglablabsing ni Daniel iti linteg. Naamiris ti ari nga inallilaw isuna dagiti mamasirib a lallakina. Pinadasna ti mangsapul iti maysa a wagas tapno maisalakanna ni Daniel, ngem nasken a suroten ti ari ti bukodna a linteg.
Naipuruak ni Daniel iti rukib dagiti leon. Nagpatnag a siririing ti ari, a nagay-ayuno tapno masaluadan ni Daniel.
Iti sumuno a bigat iti nasapa, nagdardaras ti ari a napan iti rukib dagiti leon. Inawaganna ni Daniel tapno makita no sibibiag pay laeng daytoy. Immawag met ni Daniel! Imbagana iti ari a nangibaon ti Dios ti maysa nga anghel a nangserra iti ngiwat dagiti leon. Saan a dinangran dagiti leon ni Daniel.
Naragsakan ti ari gapu ta natalged ni Daniel. Dinusana dagiti masirib a lallaki a nangallilaw kenkuana, ket ginibusanna ti linteg. Insurona iti pagarianna maipapan iti bileg ken kinaimbag ti Dios.