“Kasao ti Apo ni Elias,” Dagiti Estoria iti Daan a Tulag (2022)
“Kasao ti Apo ni Elias,” Dagiti Estoria iti Daan a Tulag
Kasao ti Apo ni Elias
Panangdengngeg iti timek ti Apo
Imbaga ni Ari Acab ken ni Reyna Jezebel nga inabak ti Apo dagiti padi ni Baal. Nagpungtot ni Jezebel ket kinunana a patayenna ni propeta Elias.
Tapno agtalinaed a natalged, pinanawan ni Elias ti daga ti Israel. Nagbaniaga iti uneg ti 40 nga aldaw ken 40 a rabii, a nagay-ayuno bayat ti ipapanna. Kalpasanna nakadanon iti Bantay Sinai ket nasarakanna ti maysa a rukib a paglemmenganna. Imbaga ti Apo ken ni Elias a mapan iti tuktok ti bantay tapno makasaritana ni Elias.
Dimteng ti napigsa nga angin ket binurakna a pinirsapirsay dagiti dadakkel a bato iti lawlaw ti rukib. Kalpasan dayta, maysa a ginggined ti nangarigenggen iti daga. Kalpasanna nangrugi ti maysa nga uram. Nangngeg ni Elias dagiti napigsa nga ungor ti angin, ginggined, ken uram. Ngem awan ti timek ti Apo kadagita a napipigsa nga ungor.
Kalpasanna nangngeg ni Elias ti maysa a naulimek, naalumamay, bassit a timek. Ammona a daytoy ti Apo. Dinamag ti Apo ken ni Elias no ania ti ar-aramidenna sadiay.
Kinuna ni Elias nga aglemlemmeng tapno agtalinaed a natalged. Napapatay ti amin a propeta, ken sinupring dagiti tao ti Apo.
Liniwliwa ti Apo ni Elias ken imbagana kenkuana nga adu dagiti Israelita nga agdaydayaw pay laeng iti Apo. Indawat ti Apo ken ni Elias nga agawiden ket mangisagana iti sabali pay a propeta. Eliseo ti nagan daytoy baro a propeta.