“Ni Moises ken ti Gambang nga Uleg,” Dagiti Estoria iti Daan a Tulag (2022)
“Ni Moises ken ti Gambang nga Uleg,” Dagiti Estoria iti Daan a Tulag
Ni Moises ken ti Gambang nga Uleg
Panagsursuro a maaddaan iti pammati iti Apo
Idinto a nagbaniaga dagiti Israelita iti let-ang, masansan a nalipatanda ti Apo ket nagdayengdengda. Nagibaon ti Apo kadagiti uleg a mangtulong kadakuada nga agpakumbaba ken manglagip Kenkuana. Kinagat dagiti uleg dagiti tao, ket adu kadagiti tao ti natay.
Iti saan a nabayag nagbabawi dagiti tao. Kiniddawda ken ni Moises nga agkararag tapno papanawen ti Apo dagiti uleg. Saan a pinapanaw ti Apo dagiti uleg. Ngem nagaramid iti maysa a wagas a maisalakan dagiti tao no nakagatda.
Imbaga ti Apo ken ni Moises nga agaramid iti uleg manipud iti gambang ket isingdanna daytoy iti maysa a poste. Idi nakagat dagiti tao ket kimmitada iti gambang nga uleg, insalakan ida ti Apo. Tinulongan ti Apo dagiti Israelita nga agpakumbaba ken agtalek Kenkuana.