2 Ar-ari 5

Agasan ni Eliseo ni Naaman

No kasano a sinaruno ti naindaklan a milagro ti simple a pammati

Iti adayo a lugar iti Siria nagnaed ti maysa a lalaki nga agnagan iti Naaman. Maysa daytoy a naindaklan a kapitan iti buyot ti Siria. Ngem addaan ni Naaman iti naut-ot a sakit ti kudil a maawagan iti kukutel.

2 Ar-ari 5:1

Babai nga Israelita ti adipen ti asawa ni Naaman. Adda pammati ti babai iti Apo. Kinunana a no masarungkaran ni Naaman ni propeta Eliseo, malaingan ni Naaman iti sakitna.

2 Ar-ari 5:2–4

Nagbaniaga ni Naaman iti adayo a mangsarak ken ni Eliseo. Napanunot ni Naaman a maagasanto babaen ti maysa a naindaklan a milagro.

2 Ar-ari 5:5–8

Napan ni Naaman iti pagtaengan ni Eliseo a kaduana dagiti adipen, kabalio, ken karuahena. Imbaon ni Eliso ti adipenna a mangted kadagiti pangiturong ti Apo. Agasan ti Apo ni Naaman no buguanna ti bagina iti karayan Jordan iti mamimpito a gundaway.

2 Ar-ari 5:9–10

Nakagura ni Naaman gapu ta kayatna a rummuar ti propeta ti Apo ket sidadaras nga agasanna daytoy. Nagdayengdeng ni Naaman gapu ta saan a nasayaat ti Karayan Jordan a kas kadagiti napipintas a karayan iti Siria.

2 Ar-ari 5:11–12

Ngem sinaludsod dagiti adipen ni Naaman no apay a saan nga aramiden ni Naaman ti kasta a simple nga aramid. Uray no awan daytoy kaipapananna ken ni Naaman, indawat ti propeta ti Apo nga aramidenna daytoy.

2 Ar-ari 5:13

Insardeng ni Naaman ti panagbalinna a napannakkel ket dimngeg kadagiti adipenna. Binugguanna ti bagina iti Karayan Jordan iti mamimpito a gundaway. Kalpasanna, inagasan ti Apo ni Naaman, kas iti kinuna ni Eliseo. Ammo ni Naaman a maysa a propeta ni Eliseo ken pudno ti Apo.

2 Ar-ari 5:14–15