“Ni Elias a Propeta,” Dagiti Estoria iti Daan a Tulag (2022)
“Ni Elias a Propeta,” Dagiti Estoria iti Daan a Tulag
1 Ar-ari 16–18
Ni Elias a Propeta
Pammati ti maysa nga ina ken dagiti milagro ti Apo
Awan tudo iti pagarian ti Israel ti tudo, ken agawanen ti danum. Saan a magustuan da Ari Ahab ken Reyna Jezebel dagiti propeta ti Apo. Pinapatayda pay ti sumagmamano kadagiti propeta. Nagkararag ti ari ken reyna kadagiti didiosen para iti tudo. Ngem imbaga kadakuada ni propeta Elias a saanto a mangipatulod ti Apo iti tudo iti sumagmamano a tawen.
1 Ar-ari 16:29–33; 17:1; 18:13
Kinagura ti ari ken reyna ni Elias. Binallaagan ti Apo ni Elias nga aglemmeng gapu ta agpeggad ti biagna.
Inturong ti Apo ni Elias iti maysa a waig ket nangibaon kadagiti tumatayab a mangyeg kenkuana iti taraon. Ngem gapu ta awan ti tudo, natianan ti waig, ket awan danum nga inumen ni Elias.
Inturong ti Apo ni Elias iti maysa a babai iti adayo a siudad. Nagkiddaw ni Elias kenkuana iti danum ken tinapay. Ngem umdas laeng para iti bagina ken ti anakna a lalaki para iti maysa pay nga aldaw.
Ammo ni Elias a daytoy ti maudi a kanenna a taraon. Inkarina a no pakanenna, mangtedto ti Apo iti taraon para iti pamiliana agingga nga agsubli ti tudo.
Nagaramid ti babai iti tinapay para ken ni Elias. Kalpasanna immadu ti lana ken arinana! Adda umdas a taraon nga agpadpada da Elias ken ti pamilia ti babai iti uneg ti adu nga aldaw.
Maysa nga aldaw nagsakit ket natay ti anak a lalaki ti babai. Sinaludsodna ken ni Elias no apay nga impalubos ti Apo daytoy a mapasamak kenkuana.
Addaan ni Elias iti kinasaserdote. Binendisionanna ti anakna a lalaki ket indawatna iti Apo a palubosanna daytoy nga agbiag manen. Immanges manen ti ubing, ket ammo ti babai a maysa a propeta ti Apo ni Elias.