Exodo 1–2

Ni Maladaga a Moises

Panangsalaknib iti Israelita a lider iti masakbayan

Ni Faraon a kumitkita iti pagarian

Nagbalin a nabileg a tattao iti Egipto ti pamilia ni Jacob. Naawaganda iti Israelita. Nagbuteng ni Faraon, ti ari ti Egipto, nga iti maysa nga aldaw adunto unay dagiti Israelita ken sakupenda ti Egipto, isu nga inaramidna dagiti Israelita nga adipenna.

Exodo 1:7–14

dagiti soldado a kumitkita iti karayan

Kalpasanna imbilin ni Faraon a nasken a mapapatay ti amin a kayyanak a lallaki a maladaga nga Israelita. Nagbuteng unay dagiti pamilia nga Israelita.

Exodo 1:15–22

Da Jochebed, Miriam, ken ni maladaga a Moises iti karayan

Napanunot ti Israelita nga ina nga agnagan iti Jochebed ti maysa a wagas tapno maisalakan ti kayyanak nga anakna a lalaki. Inkabilna ti maladagana iti maysa a basket ket inlemmengna ti basket iti natatayag a ruot iti igid ti Karayan Nile. Binantayan daytoy ti kabsat ti maladaga a ni Miriam tapno agtalinaed a natalged.

Exodo 2:1–4

Ti anak a babai ni Faraon a mangub-ubba iti maladaga a ni Moises

Bayat ti panagdigosna iti karayan, natakuatan ti babai nga anak ni Faraon ti basket. Nakitana ti awan gawayna nga Israelita a maladaga nga agsangsangit ket kinayatna a padakkelen a kas bukodna nga anak. Immasideg ni Miriam iti anak a babai ni Faraon ket dinamagna no mabalinna nga isangpet ti maysa nga Israelita a babai a mangaywan iti maladaga.

Exodo 2:5–6

Ti anak a babai ni Faraon, ni Jochebed, ni Miriam, ken ti maladaga a ni Moises

Inyeg ni Miriam ti inana, ni Jochebed, iti anak a babai ni Faraon. Immanamong ti babai nga anak ni Faraon nga agbayad ken ni Jochebed a mangaywan iti maladaga.

Exodo 2:8–9

Ti anak a babai ni Faraon, ni Jochebed, ken ni Moises

Dimmakkel ti Israelita a maladaga. Pinadakkel isuna ti babai nga anak ni Faraon kas bukodna nga anak a lalaki. Ninagananna daytoy iti Moises.

Exodo 2:10