1 Samuel 1–2

Anna

Ti sungbat ti Apo iti maysa a napudno a babai

agsangsangit ni Anna nga agkarkararag iti templo

Tunggal tawen, agbaniaga ni Anna ken ti asawana a mapan iti balay ti Apo, ti templo. Awanan iti annak ni Anna, isu a nakarikna iti nalaus a liday. Nagayuno ken nagkararag para iti maysa a maladaga a lalaki. Inkari ni Anna iti Apo a no addaan iti anak a lalaki, dumakkelto nga agserbi Kenkuana.

1 Samuel 1:1–11

Ni Eli a makisarsarita ken ni Anna

Nakita ti maysa a padi nga agnagan iti Eli nga agsangsangit ni Anna. Imbagana kenkuana a sungbatanto ti Apo ti kararagna. Nagtalek ni Anna iti Apo ket naaddaan iti namnama.

1 Samuel 1:12, 17–18

Ni Anna ken ti asawana ken ni maladaga a Samuel

Dayta a tawen, naaddaan ni Anna iti maysa a maladaga a lalaki. Ninagananna daytoy iti Samuel.

1 Samuel 1:20–23

Ni Anna a mangiyeyeg ken Samuel ken ni Eli iti templo

Tinungpal ni Anna ti karina iti Apo. Idi umdasen ti tawen ti Samuel, inyegna daytoy nga agserbi iti balay ti Apo. Nagserbi a kadua ni Eli, ti padi. Intuloy ni Anna ti simmarungkar ken ni Samuel. Inyeganna daytoy kadagiti kawes nga inaramidna para kenkuana. Binendisionan ti Apo ni Anna iti lima pay nga annak.

1 Samuel 1:24–28; 2:21