Isaias 6–7; 9; 53–54

Ni Isaias a Propeta

Dagiti Padto maipapan ken ni Apo Jesucristo

Ni Isaias nga aw-awagan ti Apo

Naparmek dagiti Israelita iti adu a gundaway ken nagtarigagayda a saluadan ti Apo ida. Maysa nga aldaw iti templo, inawagan ti Apo ti maysa a lalaki nga agnagan iti Isaias tapno mangisuro kadagiti tao maipapan iti yaay ni Jesucristo. Inayat ni Isaias dagiti tao ken insurona kadakuada maipapan no kasano a maisalakan ida ni Cristo.

Isaias 6:1–8

Ni Isaias a mangipadpadto iti pannakayanak ni Jesus

Naammuan ni Isaias nga umayto ni Jesucristo iti maysa nga aldaw a mangisalakan kadagiti taona manipud iti basol. Ngem saanto a mailasin ti tunggal maysa Isuna kas Mangisalakanda. Nagladingit unay ni Isaias gapu ta ammona a saanto a mamati ti adu a tao ken ni Jesucristo.

Isaias 6:9–13; 7:14; 53:1–9

Ni Isaias nga agsursurat maipapan iti Maikadua a Yaay ni Cristo

Ngem impadto pay ni Isaias ti Maikadua a Yaay ni Jesucristo. Agsublinto ni Jesucristo ket agbalin nga Ari ti sibubukel a daga. Umayto manen ket ipatungpalna ti plano ti Amana babaen ti panangyeg iti kinaasi ken kappia iti agnanayon. Kinuna ni Isaias a maammuanto ti tunggal maysa ni Jesucristo kas Mangisalakanda.

Isaias 9:6–7; 54:1–10