“Reyna Ester,” Dagiti Estoria iti Daan a Tulag (2022)
“Reyna Ester,” Dagiti Estoria iti Daan a Tulag
Ester 2–5; 7–9
Ni Reyna Ester
Natured iti panawen ti peggad
Sumagmamano nga Israelita ket naawagan a Judio. Maysa a Judio ni Ester a nagnaed iti Persia. Natay dagiti nagannak kenkuana, isu a ti kasinsinna a ni Mardokeo ti nangaywan kenkuana. Naawis daytoy iti palasio ti ari a kaduana dagiti dadduma pay nga agtutubo a babbai iti pagarian. Kayat ti ari ti maysa a baro a reyna, ket pinilina ni Ester.
Adda maysa nga adipen ti ari nga agnagan iti Aman a naaddaan iti dakkel a bileg. Tinulongan ni Aman ti ari nga agturay iti daga. Pinagtamed ti ari ti tunggal maysa ken ni Aman.
Ngem saan a nagtamed ni Mardokeo ken ni Aman. Agtamed laeng ni Mardokeo ti Apo. Daytoy ti namagpungtot ken ni Aman. Kayatna a dusaen ni Mardokeo ken ti amin a Judio.
Imbaga ni Aman iti ari a saan a sinurot dagiti Judio dagiti linteg ti ari. Isu a pinagaramid ti ari ni Aman iti maysa a baro a linteg: iti maysa nga aldaw, mapapatay ti amin a Judio.
Indawat ni Mordecai ken ni Ester a kasaritana ti ari. Mabalin a baliwan ti ari ti linteg ni Aman ket maisalakanna dagiti Judio. Ngem nagbuteng ni Ester. No dadduma pinapatay ti ari dagiti tao nga immay nakisarita kenkuana a saan a naawis.
Indawat ni Mardokeoi ken ni Ester a mangpanunot maipapan kadagiti Judio a mapapatay. Kinuna ni Mardokeo a mabalin nga inkabil ti Apo ni Ester iti palasio ti ari a mangisalakan kadagiti Judio.
Ammo ni Ester a nasken a kasaritana ti ari, uray no mabalin a kaipapanan daytoy ti pannakapapatayna. Indawat ni Ester iti amin a Judio ken dagiti adipenna a makipagayunoda kenkuana.
Kalpasan ti panagayuno iti tallo nga aldaw, insagana ni Ester ti bagina ket nakipagkita iti ari.
Idi immasideg daytoy iti ari, iniggamanna ti setrona. Kayat a sawen daytoy a naragsak ti ari a makakita kenkuana ket saanna nga ipapatay daytoy. Sinaludsodna no ania ti kayatna. Imbaga ni Ester iti ari nga adda iti peggad dagiti taona. Gapu iti linteg ni Aman, mapapatayto ni Ester ken amin a Judio iti pagarian.
Nakapungtot ti ari ken ni Aman ket pinapatayna. Nagaramid ti ari iti maysa a baro a linteg a nangsalaknib kadagiti Judio. Ita mapalubosandan a mangsalaknib iti bagbagida no padasen ti asino man ti mangdangran kadakuada.
Ti pammati ni Ester iti Apo ken ti turedna a makisarita iti ari ti nangisalakan kadagiti taona. Imbes nga ipapatay ken panagladingit, adda maysa a fiesta. Nagrambak dagiti Judio.