2 Ar-ari 22; 2 Cronicas 34–35

Ari Josias

Maysa a panagsapsapul tapno agtungpal kadagiti bilin ti Apo

Agtawen idi ni Josias iti walo idi naaramid nga ari ti Juda. Maysa isuna a nasayaat nga ari a nagayat iti Apo. Tinarigagayanna a tulongan dagiti taona, dagiti Israelita, nga agtungpal iti Apo ken agsardeng nga agrukbab kadagiti didiosen. Idi natataenganen, nangrugi isuna ken dagiti taona a tarimaanen ti templo ket aramiden manen a napintas daytoy.

2 Ar-ari 22:1–2; 2 Cronicas 34:3–7

Bayat ti panagtrabaho dagiti tao iti templo, nasarakan ni Helcias, ti nangato a padi ti libro ti linteg, nalukot a papel a naglaon kadagiti nasantuan a kasuratan.

2 Ar-ari 22:3–9

Ibasa ti maysa nga adipen ti libro ken ni Josias. Nangngeg ni Josias dagiti balikas ket nagliday gapu ta saan a tinungpal dagiti taona ti Apo. Pinigisna dagiti kawesna tapno ipakitana a naliday daytoy.

2 Ar-ari 22:10–13, 19

Imbagana ken ni Helcias a saludsodenna iti Apo no ania ti nasken nga aramidenda. Simmarungkar ni Helcias ken dagiti adipen ti ari ken ni Hulda. Maysa a propeta a babai, napudno a dadaulo a pinaregta ti Apo. Kinunana a naragsak ti Apo ken ni Josias gapu ta tultulonganna dagiti tao nga agtungpal. Inkari ti Apo nga agbiagto ni Ari Josias iti kappia.

2 Ar-ari 22:12–20

Tinarigagayan ni Ari Josias a tungpalen dagiti taona dagiti karida iti Apo. Indawatna kadakuada a mangrambak iti Fiesta ti Paskua a mangtulong kadakuada a manglagip no kasano a winayawayaanna dagiti Israelita nabayagen a panawen ti naglabas iti Egipto.

2 Cronicas 35:1–19