“Ni Noe ken ti Pamiliana,” Dagiti Estoria iti Daan a Tulag (2022)
“Ni Noe ken ti Pamiliana,” Dagiti Estoria iti Daan a Tulag
Genesis 6–9; Moises 8
Ni Noe ken ti Pamiliana
Maysa a daong, maysa a layus, ken dagiti kari ti Apo
Nagtungpal iti Apo ni Noe ken ti pamiliana. Nadangkes unay ti amin a dadduma pay a tao. Imbaga ti Apo ken ni Noe a malapunosto ti daga iti layus no saan nga agbabawi dagiti tao.
Genesis 6:5–13; Moises 8:13–17
Insuro ni Noe kadagiti tao nga ay-ayaten ida ti Apo ken kayatna nga agbabawida ken maaddaan iti pammati ken ni Jesucristo. Saanda a dumngeg.
Nagliday ni Noe gapu ta saan nga agbabawi dagiti tao. Imbaga ti Apo ken ni Noe a mangbangon iti maysa a dakkel a bapor a maawagan iti daong. Ti daong ti mangpatalinaed a natalged ti pamilia ni Noe kabayatan ti layus.
Nangala ti pamilia ni Noe iti taraon iti daong. Nangibaon ti Apo iti dua laeng nga ayup ti tunggal kita ken ni Noe. Simrek dagiti ayup iti daong, ken kalpasan ti pito nga aldaw nangrugi a nagtudo.
Kas met laeng iti imballaag ti Apo, nagtudo iti uneg ti 40 nga aldaw ken 40 a rabii. Maysa a layus ti nanglapunos iti daga.
Sitatalged a nagtapaw iti rabaw ti danum ti pamilia ni Noe ken ti amin nga ayup iti daong.
Idi naggibus ti layus, nagdisso ti daong iti namaga a daga. Nangbangon ni Noe ken ti pamiliana iti maysa nga altar tapno agdaydayaw iti Apo ken agyaman Kenkuana iti panangsalaknibna kadakuada. Inkari ti Apo a dinanton pulos paglayusen pay ti daga. Imbaonna ti maysa a bullalayaw kas maysa a pammallagip iti karina.