1. E taku tamaiti e akarongo mai ki taku tuatua, te karanga atu nei au kia koe, mei taku katoa i tuatua atu kia Hilamana, koia oki, me akono koe i te au akaueanga a te Atua, ka manuia koe i runga i te enua, e me kore koe e akono i te au akaueanga a te Atua, ka tipu keia koe mei mua i tona aroaro.

2. E teianei e taku tamaiti, te irinaki nei au e, ka rauka iaku te rekareka maata ia koe no toou tu ngaueue kore e te akarongo ki te Atua, no te mea kua akamata koe mei toou ou anga i te akara atu ki te Atu toou Atua, e te irinaki nei au e, ka mou tamou ua atu rai koe i te akono anga i tana au akaueanga, e ao oki tona ko tei tapu marie e tae rava atu ki te openga.

3. Te karanga atu nei au kia koe, e taku tamaiti e, kua rekareka takere au ia koe, no toou akarongo, e te maroiroi e toou tu maru, e te akakoromakianga roa i rotopu i te au tangata o Zoroma.

4. E kua kite au e, kua tapekaia koe, e kua kite katoa oki au e, kua peiia koe ki te toka no te tuatua, e kua akakoromaki koe i teia au mea nei ma te maru, no te mea tei ia koe oki te Atu, e teianei te kite nei koe e ka akaora te Atu ia koe.

5. E teianei e taku tamaiti, e Sibiloni, te inangaro nei au kia akamaara koe e, me tuku koe i toou irinakianga ki te Atua, ka akaora mai aia ia koe i roto i toou au tumatetenga e te taitaia, e ka akateiteiia koe i te rā openga.

6. E teianei, e taku tamaiti, auraka koe e manako e kua kite au i teia au mea nei, ina ra, ko ta te Vaerua o te Atua ïa tei noo ki roto iaku, e naringa e kare au i anauia mai e te Atua, kare au e kite i teia au mea nei.

7. E i na, kua tono mai te Atua i tana au angela kia akakite mai kiaku i tona aroa ua, kia akamutu au i teia angaanga mate ki rungao i tona iti tangata, e kua kite ana au i te angela te mata e te mata, e kua tuatua mai aia kiaku, e kua aite tona reo ki te mangungu e kua ngaue te enua katoa.

8. I noo ana oki au ki roto i te poiri e te mamae maata o te vaerua e toru po, e e toru ao, e kare rava taku ara i akakoreia, e tae rava atu ki toku kapikianga atu ki te Atu ko Iesu Mesia kia aroa mai iaku, i reira oki i akakoreia mai ei taku ara. E i na, kua kapiki au kiaia, e kua rauka iaku te aū, e te meitaki.

9. E teianei, e taku tamaiti kua akakite atu au i teia kia koe kia rauka ia koe i te apii i te pakari, e kia apii koe mei iaku, kare e mataara ke e oraʼi te tangata nei, mari ra na roto i te Mesia. I na, koia oki te marama e te ora o te ao nei. E koia oki te tuatua mou e te tika.

10. E teianei, no te mea kua akamata koe i te apii atu i te tuatua, e te inangaro nei au kia apii ua atu rai koe, e te inangaro nei au kia maroiroi koe, e kia rave koe i te au mea katoatoa ma te tau tikai.

11. Kia kore koe e akateiteiia ma te ngakau parau, e kia kore koe e akapaapaa i toou uaorai kite e toou uaorai maroiroi.

12. Kia mataku kore koe, auraka ra e akateitei, kia tapeka ra i te inagaro o te kopapa nei, kia akakiia koe ki te aroa, auraka koe e noo ua.

13. Auraka koe e pure mei ta te tangata Zoroma ra, e pure ana ratou kia rongoia mai e te tangata, e kia akameitakiia no to ratou pakari.

14. Auraka e karanga e, E te Atua, te akameitaki atu nei au, no te mea e meitaki atu matou i to matou au taeake, ina ra, e karanga e, e te Atu, e akakore mai i toku tu tau kore, e ma te maara i te aroa atu i toku au taeake, e aaki atu i toou tarevake ki mua i te Atua i te au taime ravarai.

15. E kia akameitaki mai te Atua i toou vaerua, e kia ariki mai ia koe ki roto i tona ra basileia me tae ki rā openga ra, kia noo ma te au. E teianei, e aere e taku tamaiti, e apii atu i te tuatua ki teia iti tangata nei, e akono meitaki, e taku tamaiti, kia orana.