1. E tae akera ki te rua ngauru ma iva o te mataiti i te tutaraanga o te au akava, i unga atu ei a Amorona kia Moronai ma te pati atu e, kia tauiia te au mou auri.

2. E i na, kua ki akera a Moronai i te rekareka maata no teia patianga, kua inangaro oki aia i te kai tei orongaia atu ei tauturu i te au mou auri o te ngati Lamana, e pera katoa ei tauturu i tona uaorai iti tangata, e kua inangaro katoa aia i tona au tangata kia akamatutu i tona ra nuku.

3. E kua rave oki te ngati Lamana i te au vaine e te au tamariki e manganui, e kare oki e vaine e te tamariki i roto i te au tuikaa a Moronai, me kore ra, te au tuikaa ta Moronai i rave atu, e kua kimi a Moronai i te ravenga kia riro maata mai te au tuikaa o te ngati Niphai mei te ngati Lamana ra.

4. E no reira, kua tata atu aia i tetai episetole, e kua tono atu na te tavini o Amorona, e ko taua tavini rai tei kave mai i te episetole kia Moronai. I na, ko teia oki te tuatua tana i tata atu kia Amorona, i te na ko anga e,

5. I na, e Amorona, kua tata atu au kia koe no tetai au mea rikiriki no runga i teia tamaki taau i akatupu ki toku nei iti tangata, me kore ra ta to tuakana i akatupu kia ratou, e taau e manako nei kia rave ua atu rai i muri ake i tona mateanga.

6. I na, ka akakite poto atu au kia koe na i ta Atua ra tuatua tika, e te koke o tona ra riri openga kore, te tautau ua ra ki runga ia kotou, mari ua ra kia tataraara kotou ma te akaoki i to kotou nuku ki to kotou uaorai enua, me kore ra, ki te enua tei rauka ia kotou, e koia oki te enua o Niphai ra.

7. Ka akakite atu au i teia au mea kia koe na i taua ade rikarika ra, e tei tiaki mai kia rauka iaia te au tangata ta tangata mei ia koe e pera katoa ki toou tuakana ra, kia tataraara rava roa koe ma te akaruke i taau au angaanga ta tangata, ka oki atu koe e toou ra au nuku ki to kotou uaorai enua.

8. Ina ra, e no te mea e kua patoi kotou i teia au mea nei i te taime mua, e kua kai tamaki mai ki te au tangata o te Atu, e kua manako au e, ka rave pera akaou kotou.

9. E teianei, i na, kua teateamamao matou i te aravei atu ia kotou, me kore kotou e akakore i to kotou au akakoroanga ra, i na, ka topa mai i reira te riri o taua Atua ra ta kotou i patoi ki rungao ia kotou e tae rava atu ki to kotou akapouangaia.

10. I na, mei te Atu e ora ra, ka tae atu to matou au nuku kia kotou, e me kore kotou e oki, ka aravei ia kotou i te mate, e ka akono oki matou i to matou au oire, e to matou au enua, e ka akatupu oki matou i ta matou akonoanga e te angaanga a te Atua ra.

11. Ina ra, kua manako akera au e, e mea puapinga kore taku nei tuatua kia koe, e kua manako katoa oki au e, e tamaiti koe na ade, e no reira, ka akamotu au i taku episetole ma te akakite atu kia koe e kare au e inangaro i te taui mou auri, mari ua ra, kia akaoki mai koe e tai tane, e tana ra vaine, e pera katoa ki tana au tamariki, ei tuikaa okotai, mei te mea e ka pera koe, ka taui au.

12. I na, me kare koe e rave i teia, ka tamaki atu au kia koe e toku ra nuku e ka akarakei au i taku ra au vaine e te tamariki ki te au apinga tamaki e ka tamaki atu ei au ia kotou, e ka aru atu au ia kotou e tae rava atu ki to kotou ra enua, koia te enua mua o to matou ipukarea, e ka riro te toto ei toto, te ora no te ora, e ka tamaki au ia kotou e pou roa atu kotou i te mate mei te tua o te enua nei.

13. I na, kua ki au i te riri e pera katoa ki toku au tangata, kua titau ana oki kotou kia ta ia matou, e kua kimi oki matou i to matou enua, te enua mua o to matou ipukarea.

14. Te akaoti nei au i taku episetole. Ko Moronai au, e e arataki au no te au tangata o te ngati Niphai.

15. E tae akera taua episetole ra kia Amorona, kua riri iora aia, e kua tata akaou atura aia i tetai episetole kia Moronai, e ko teia oki te tuatua tana i tata atu, i te na ko anga e:

16. Ko Amorona au, ko te ariki o te ngati Lamana, e ko au te teina o Amalikaia ta kotou i ta ra. I na, ka akaoko au i tona toto ki rungao ia koe, e ka tae atu au kia koe ma toku ra au nuku e kare oki au e mataku i taau ra au tuatua akamataku.

17. I na, kua rave kino to kotou ui metua i to ratou ra au taeake, e kua akangere ratou i to ratou au taeake ki te tikaanga o te akaaereanga e no ratou tikai oki te reira.

18. E teianei, kia vaio atu kotou i ta kotou au apinga tamaki, e kia kauraro atu kotou ki te aronga no ratou tikai te akaareanga, ei reira au e akaue ei kia akarukeia te au apinga tamaki a toku nei au tangata, e auraka e tamaki akaou.

19. I na, e manganui ta kotou au tuatua tamataku iaku e toku ra au tangata,. kare ra matou i mataku atu i ta kotou au tuatua tamataku.

20. Tera ua, te rekareka nei au kia taui mou auri taua, kia tau ki taau i pati mai, kia raukaʼi iaku te akono i te kai na toku au tangata tamaki, e ka akatupu matou i tetai tamaki anga mutu kore, kia riro mai te ngati Niphai ki raro i to matou mana, e ta matou akaaereanga, me kare ra, ki to ratou openga mutu kore.

21. E no runga i taua Atua ta kotou e karanga nei e, kua akarukeia aia e matou nei, i na, kare matou i kite i te reira tu mea, e kare katoa oki kotou i kite, e mei te mea e te vai ra taua au tu mea, e kare oki matou i kite i kore ei aia i anga ia matou mei ia kotou rai.

22. Mei te mea ra e te vai ra te tiaporo, e te vai katoa ra a ade, i na, kare ainei aia e tono ia koe ki reira e kia noo ma toku ra au tuakana taau i ta ra, e taau i karanga e kua aere aia ki tetai ngai mei te reira? Ina ra, kare te reira e manamanata.

23. Ko Amorona au, e e uanga no Zoroma, tei tapekaia e to kotou ai metua, e tei apainaia maira mei Ierusalema mai.

24. E i na, e tangata mataku kore au no te ngati Lamana, i na, kua akatupuia teia tamaki ei akaoko i to ratou au tarevake, e kia akatikaia e kia rauka to ratou tikaanga i te akaaereanga, e te akaoti nei au i taku episetole kia Moronai.