ຊາໄຣຢາ

ການເດີນທາງຂອງຍິງແຫ່ງສັດທາ

ຊາໄຣຢາໄດ້ອາໄສຢູ່ທີ່ເຢຣູຊາເລັມກັບຄອບຄົວຂອງເພິ່ນ. ສາມີຂອງເພິ່ນ, ລີໄຮ, ໄດ້ເປັນສາດສະດາຂອງພຣະເຈົ້າ. ມີມື້ໜຶ່ງ, ພຣະຜູ້ເປັນເຈົ້າໄດ້ບອກລີໄຮໃຫ້ໜີຈາກເຢຣູຊາເລັມກັບຄອບຄົວຂອງເພິ່ນ.

1 ນີໄຟ 2:1–3

ຊາໄຣຢາມີສັດທາໃນພຣະຜູ້ເປັນເຈົ້າ. ເພິ່ນກັບຄອບຄົວຂອງເພິ່ນໄດ້ໜີຈາກບ້ານເຮືອນຂອງເຂົາເຈົ້າ. ເຂົາເຈົ້າໄດ້ປະຖິ້ມຄຳ ແລະ ເງິນຂອງເຂົາເຈົ້າ ເພື່ອໄປກັບລີໄຮເຂົ້າໄປໃນຖິ່ນແຫ້ງແລ້ງກັນດານ.

1 ນີໄຟ 2:4–5

ຊາໄຣຢາ ແລະ ລີໄຮໄດ້ເອົາອາຫານ ແລະ ສິ່ງອື່ນໆທີ່ເຂົາເຈົ້າຕ້ອງການໄປນຳ. ຫລັງຈາກເຂົາເຈົ້າໄດ້ເດີນທາງເປັນເວລາຫລາຍມື້, ເຂົາເຈົ້າໄດ້ຕັ້ງຜ້າເຕັນຂຶ້ນເພື່ອອາໄສຢູ່ໃນຖິ່ນແຫ້ງແລ້ງກັນດານ. ແລ້ວເຂົາເຈົ້າໄດ້ສ້າງແທ່ນບູຊາຂຶ້ນ ແລະ ຂອບພຣະໄທພຣະຜູ້ເປັນເຈົ້າສຳລັບຄວາມຊ່ວຍເຫລືອ.

1 ນີໄຟ 2:4, 6–7, 15

ມີມື້ໜຶ່ງ ພຣະຜູ້ເປັນເຈົ້າໄດ້ຂໍໃຫ້ພວກລູກຊາຍຂອງຊາໄຣຢາ ແລະ ລີໄຮໄປເຢຣູຊາເລັມ ແລະ ໄປເອົາແຜ່ນຈາລຶກທອງເຫລືອງ. ຊາໄຣຢາຢ້ານກົວເມື່ອພວກລູກຂອງເພິ່ນບໍ່ໄດ້ກັບຄືນມາ. ເພິ່ນຄິດວ່າເຂົາເຈົ້າໄດ້ຕາຍແລ້ວ. ລີໄຮໄດ້ປອບໂຍນຊາໄຣຢາ. ພວກເພິ່ນເລືອກໄວ້ວາງໃຈວ່າ ພຣະຜູ້ເປັນເຈົ້າຈະປົກປ້ອງພວກລູກຊາຍຂອງພວກເພິ່ນ.

1 ນີໄຟ 3:1–2, 4–6; 5:1–6

ຊາໄຣຢາ ແລະ ລີໄຮກຳລັງຕ້ອນຮັບພວກລູກຊາຍຂອງພວກເພິ່ນ

ຊາໄຣຢາເຕັມໄປດ້ວຍຄວາມຊື່ນຊົມ ເມື່ອພວກລູກຊາຍຂອງເພິ່ນໄດ້ກັບມາຈາກເຢຣູຊາເລັມ. ບັດນີ້ເພິ່ນຮູ້ວ່າ ພຣະຜູ້ເປັນເຈົ້າໄດ້ປົກປ້ອງເຂົາເຈົ້າ. ເພິ່ນໄວ້ວາງໃຈວ່າພຣະຜູ້ເປັນເຈົ້າຈະມອບອຳນາດໃຫ້ເຂົາເຈົ້າ ເພື່ອເຮັດຕາມສິ່ງທີ່ພຣະອົງຮຽກຮ້ອງ. ຄອບຄົວຂອງຊາໄຣຢາທຸກຄົນດີໃຈຫລາຍ, ແລະ ເຂົາເຈົ້າໄດ້ຂອບພຣະໄທພຣະຜູ້ເປັນເຈົ້າ.

1 ນີໄຟ 5:7–9