ແອວມາຜູ້ເປັນລູກ

ການປ່ຽນແປງອັນໃຫຍ່ຫລວງ

ກະສັດໂມໄຊຢາໄດ້ມອບອຳນາດໃຫ້ແອວມາເພື່ອນຳພາສາດສະໜາຈັກໃນເຊຣາເຮັມລາ. ແອວມາໄດ້ສິດສອນຜູ້ຄົນໃຫ້ກັບໃຈ ແລະ ມີສັດທາໃນພຣະຜູ້ເປັນເຈົ້າ.

ໂມໄຊຢາ 25:19–24; 26

ແອວມາມີລູກຊາຍຄົນໜຶ່ງທີ່ຊື່ ແອວມາ ເຊັ່ນກັນ. ແອວມາຜູ້ເປັນລູກບໍ່ເຊື່ອສິ່ງທີ່ບິດາຂອງລາວສິດສອນ.

ໂມໄຊຢາ 27:8

ແອວມາຜູ້ເປັນລູກ ແລະ ພວກລູກຊາຍຂອງໂມໄຊຢາກຳລັງເວົ້າກັບຜູ້ຄົນ

ໂມໄຊຢາມີລູກຊາຍຫລາຍຄົນທີ່ບໍ່ເຊື່ອໃນພຣະຜູ້ເປັນເຈົ້າເຊັ່ນກັນ. ເຂົາເຈົ້າເປັນໝູ່ກັບແອວມາຜູ້ເປັນລູກ. ເຂົາເຈົ້າທຸກຄົນຕ້ອງການໃຫ້ຜູ້ຄົນໜີຈາກສາດສະໜາຈັກ. ແອວມາ ແລະ ພວກລູກຊາຍຂອງໂມໄຊຢາໄດ້ພາຫລາຍຄົນໄປເຮັດສິ່ງທີ່ຕໍ່ຕ້ານກັບພຣະບັນຍັດຂອງພຣະເຈົ້າ.

ໂມໄຊຢາ 27:9–10; ແອວມາ 36:6

ແອວມາຜູ້ເປັນລູກ ແລະ ພວກລູກຊາຍຂອງໂມໄຊຢາຢ້ານກົວທູດສະຫວັນ

ມີມື້ໜຶ່ງ, ພຣະຜູ້ເປັນເຈົ້າໄດ້ສົ່ງທູດອົງໜຶ່ງມາເພື່ອຢຸດຢັ້ງເຂົາເຈົ້າ. ທູດໄດ້ບອກເຂົາເຈົ້າໃຫ້ຢຸດພະຍາຍາມທຳລາຍສາດສະໜາຈັກ. ແອວມາ ແລະ ພວກລູກຊາຍຂອງໂມໄຊຢາຢ້ານກົວຫລາຍຈົນລົ້ມລົງຢູ່ກັບພື້ນດິນ.

ໂມໄຊຢາ 27:11–18; ແອວມາ 36:6–9

ແອວມາບໍ່ສາມາດຍ່າງ ຫລື ເຄື່ອນຍ້າຍເປັນເວລາສາມມື້ ແລະ ສາມຄືນ. ລາວຮູ້ສຶກເສຍໃຈເພາະສິ່ງບໍ່ດີທັງໝົດທີ່ລາວໄດ້ເຮັດໄປນັ້ນ. ລາວເປັນຫ່ວງຫລາຍເພາະລາວໄດ້ພາຫລາຍຄົນໜີໄປຈາກພຣະຜູ້ເປັນເຈົ້າ.

ໂມໄຊຢາ 27:19; ແອວມາ 36:10–16

ແອວມາຮູ້ສຶກເຈັບປວດຫລາຍຍ້ອນບາບຂອງລາວ. ແລ້ວລາວຈື່ໄດ້ວ່າ ບິດາຂອງລາວໄດ້ເວົ້າກ່ຽວກັບພຣະເຢຊູຄຣິດ, ພຣະບຸດຂອງພຣະເຈົ້າ.

ແອວມາ 36:17

ແອວມາໄດ້ອະທິຖານຂໍໃຫ້ພຣະເຢຊູອະໄພໃຫ້ລາວ. ຫລັງຈາກລາວໄດ້ອະທິຖານແລ້ວ, ລາວບໍ່ຈື່ຄວາມເຈັບປວດຂອງລາວອີກຕໍ່ໄປ. ລາວຮູ້ວ່າພຣະຜູ້ເປັນເຈົ້າໄດ້ອະໄພໃຫ້ລາວ. ລາວບໍ່ຮູ້ສຶກເສຍໃຈກ່ຽວກັບບາບຂອງລາວອີກຕໍ່ໄປ. ກົງກັນຂ້າມ, ແອວມາຮູ້ສຶກດີໃຈຫລາຍ.

ໂມໄຊຢາ 27:24, 28–29; ແອວມາ 36:18–22

ແອວມາຜູ້ເປັນລູກ ແລະ ພວກລູກຊາຍຂອງໂມໄຊຢາກຳລັງຊ່ວຍເຫລືອບາງຄົນ

ແອວມາມີກຳລັງຂຶ້ນ. ລາວ ແລະ ພວກລູກຊາຍຂອງໂມໄຊຢາໄດ້ຕັດສິນໃຈກັບໃຈ ແລະ ພະຍາຍາມດັດແປງຄວາມເຈັບປວດທັງໝົດທີ່ເຂົາເຈົ້າໄດ້ກໍ່. ເຂົາເຈົ້າໄດ້ຮັບໃຊ້ພຣະຜູ້ເປັນເຈົ້າຈາກເວລານັ້ນເປັນຕົ້ນໄປ ໂດຍການຊ່ວຍເຫລືອຄົນອື່ນໃຫ້ກັບໃຈ. ເຂົາເຈົ້າໄດ້ເດີນທາງໄປຕະຫລອດທົ່ວແຜ່ນດິນ ທີ່ໂມໄຊຢາໄດ້ປົກຄອງ ແລະ ສິດສອນຜູ້ຄົນກ່ຽວກັບພຣະເຢຊູ.

ໂມໄຊຢາ 27:20–24, 32–37; ແອວມາ 36:23–26

ແອວມາ ແລະ ພວກລູກຊາຍຂອງໂມໄຊຢາຕ້ອງການແບ່ງປັນຄວາມສຸກທີ່ຄຳສອນຂອງພຣະເຢຊູໄດ້ນຳມາສູ່ຊີວິດຂອງເຂົາເຈົ້າ. ເຂົາເຈົ້າໄດ້ເຮັດວຽກງານໜັກໃນການຮັບໃຊ້ພຣະຜູ້ເປັນເຈົ້າ ແລະ ຜູ້ຄົນ. ພວກລູກຊາຍຂອງໂມໄຊຢາໄດ້ເລືອກທີ່ຈະໄປ ແລະ ສິດສອນຊາວເລມັນກ່ຽວກັບພຣະເຢຊູ. ແອວມາໄດ້ເລືອກທີ່ຈະຢູ່ ແລະ ສິດສອນຊາວນີໄຟຕໍ່ໄປ.

ໂມໄຊຢາ 27:32–37; 28:1–10; 29:42–43