ພວກອ້າຍນ້ອງນີໄຟ ແລະ ລີໄຮ

ໄດ້ຍິນສຽງຈາກຟ້າສະຫວັນ

ນີໄຟ ແລະ ລີໄຮເປັນອ້າຍນ້ອງກັນ ຜູ້ທີ່ຢາກໃຫ້ທຸກຄົນໄດ້ຮູ້ຈັກກ່ຽວກັບພຣະກິດຕິຄຸນຂອງພຣະເຢຊູຄຣິດ. ຊາວນີໄຟ ແລະ ຊາວເລມັນຢູ່ໃນສົງຄາມ, ແຕ່ພວກອ້າຍນ້ອງເຂົາເຈົ້າຍັງສິດສອນຜູ້ຄົນຈາກທັງສອງກຸ່ມ. ມື້ໜຶ່ງຂະນະທີ່ເຂົາເຈົ້າເດີນທາງໄປສິດສອນຜູ້ຄົນ, ກອງທັບຊາວເລມັນກຸ່ມໜຶ່ງໄດ້ຈັບເຂົາເຈົ້າເຂົ້າຄຸກ.

ຮີລາມັນ 3:20–21, 37; 4:4–5, 14; 5:4–21

ກອງທັບຊາວເລມັນຍ່າງໄປຫາຄຸກທີ່ນີໄຟ ແລະ ລີໄຮຢູ່ໃນນັ້ນ

ຫລາຍມື້ຕໍ່ມາ, ກອງທັບໄດ້ມາທີ່ຄຸກເພື່ອທີ່ຈະຂ້ານີໄຟ ແລະ ລີໄຮ.

ຮີລາມັນ 5:22

ວົງໄຟ ແລະ ແສງສະຫວ່າງປົກປ້ອງນີໄຟ ແລະ ລີໄຮ, ທະຫານລົ້ມລົງ, ແລະ ເມກແຫ່ງຄວາມມືດປະກົດຂຶ້ນ

ກ່ອນຄົນໃດຈະສາມາດທຳຮ້າຍນີໄຟ ແລະ ລີໄຮ, ວົງໄຟໄດ້ປະກົດຂຶ້ນອ້ອມຮອບເຂົາເຈົ້າ. ໄຟນັ້ນບໍ່ໄດ້ໄໝ້ເຂົາເຈົ້າ. ກົງກັນຂ້າມ, ພຣະເຈົ້າໄດ້ຮັກສາເຂົາເຈົ້າໃຫ້ປອດໄພ. ແລ້ວແຜ່ນດິນໄດ້ສັ່ນຫວັ່ນໄຫວ. ເບິ່ງຄືວ່າຝາຄຸກກຳລັງຈະພັງລົງມາ. ບໍ່ດົນ, ເມກແຫ່ງຄວາມມືດໄດ້ປົກຄຸມຄົນອື່ນໆຢູ່ໃນຄຸກ. ຜູ້ຄົນຢ້ານກົວຫລາຍ.

ຮີລາມັນ 5:23–28

ຜູ້ຄົນທີ່ຢືນຢູ່ໃນເມກແຫ່ງຄວາມມືດຫລຽວເບິ່ງເລົາແສງ

ສຽງໄດ້ມາຈາກຂ້າງເທິງຂອງເມກແຫ່ງຄວາມມືດນັ້ນ. ມັນເປັນສຽງແຜ່ວເບົາ, ຄືກັນກັບສຽງສື່ມ, ແຕ່ຜູ້ຄົນໄດ້ຮູ້ສຶກມັນຢູ່ໃນໃຈຂອງພວກເຂົາ. ມັນແມ່ນສຸລະສຽງຂອງພຣະເຈົ້າ. ພຣະເຈົ້າໄດ້ບອກພວກເຂົາໃຫ້ກັບໃຈ.

ຮີລາມັນ 5:29–30, 46–47

ຊາຍ ແລະ ຍິງຫລຽວຂຶ້ນຜ່ານເມກແຫ່ງຄວາມມືດທີ່ກະຈາຍ

ແຜ່ນດິນ ແລະ ຄຸກສັ່ນຫວັ່ນໄຫວແຮງຂຶ້ນ. ສຸລະສຽງໄດ້ດັງຂຶ້ນອີກ ແລະ ບອກຜູ້ຄົນໃຫ້ກັບໃຈ. ຜູ້ຄົນບໍ່ສາມາດເໜັງຕີງ ເພາະເມກ ແລະ ຄວາມຢ້ານກົວຂອງພວກເຂົາ.

ຮີລາມັນ 5:31–34

ອາມີນາດາບຊີ້ໃສ່ນີໄຟ ແລະ ລີໄຮ, ຜູ້ຮຸ່ງເຫລື້ອມ ແລະ ກຳລັງຫລຽວຂຶ້ນ

ມີຊາຍຄົນໜຶ່ງຢູ່ໃນກຸ່ມຝູງຊົນຊື່ວ່າ ອາມີນາດາບ. ລາວເຄີຍເປັນສະມາຊິກໃນສາດສະໜາຈັກຂອງພຣະເຈົ້າ. ລາວເຫັນວ່າໜ້າຂອງນີໄຟ ແລະ ລີໄຮເລີ່ມຮຸ່ງແຈ້ງຂຶ້ນເລື້ອຍໆ. ເຂົາເຈົ້າເບິ່ງຄືທູດສະຫວັນ. ເບິ່ງຄືວ່າເຂົາເຈົ້າກຳລັງເວົ້າລົມກັບຄົນໃດຄົນໜຶ່ງໃນຟ້າສະຫວັນ. ອາມີນາດາບໄດ້ບອກໃຫ້ທຸກຄົນຫລຽວເບິ່ງນີໄຟ ແລະ ລີໄຮ.

ຮີລາມັນ 5:35–39

ຊາຍ ແລະ ຍິງຫລາຍຄົນໄດ້ຫລຽວຂຶ້ນຜ່ານເມກແຫ່ງຄວາມມືດ ແລະ ອະທິຖານ

ຜູ້ຄົນໄດ້ຖາມອາມີນາດາບວ່າ ພວກເຂົາຄວນເຮັດສິ່ງໃດເພື່ອກຳຈັດເມກແຫ່ງຄວາມມືດນັ້ນ. ອາມີນາດາບໄດ້ແບ່ງປັນສິ່ງທີ່ລາວຮູ້ກ່ຽວກັບພຣະເຈົ້າ ແລະ ພຣະເຢຊູ. ລາວໄດ້ບອກຜູ້ຄົນໃຫ້ກັບໃຈ, ມີສັດທາໃນພຣະເຢຊູ, ແລະ ອະທິຖານຫາພຣະເຈົ້າ. ຜູ້ຄົນໄດ້ເຊື່ອຟັງອາມີນາດາບ. ພວກເຂົາໄດ້ອະທິຖານຈົນກວ່າຄວາມມືດໄດ້ໜີໄປ.

ຮີລາມັນ 5:40–42

ຜູ້ຄົນອະທິຖານຂະນະທີ່ຖືກອ້ອມຮອບດ້ວຍແສງ ແລະ ໄຟ

ໄຟຈາກພຣະເຈົ້າໄດ້ອ້ອມຮອບຜູ້ຄົນທັງໝົດ ແລະ ບໍ່ໄດ້ໄໝ້ພວກເຂົາ. ຜູ້ຄົນເຕັມໄປດ້ວຍພຣະວິນຍານບໍລິສຸດ ແລະ ດີໃຈຫລາຍ. ພວກເຂົາໄດ້ເວົ້າເຖິງສິ່ງມະຫັດສະຈັນຫລາຍຢ່າງ. ສຸລະສຽງໄດ້ດັງຂຶ້ນອີກຄັ້ງ. ສຽງນັ້ນບອກພວກເຂົາໃຫ້ສະຫງົບສຸກ ເພາະສັດທາຂອງພວກເຂົາໃນພຣະເຢຊູ. ເຫລົ່າທູດໄດ້ມາ ແລະ ຢ້ຽມຢາມຜູ້ຄົນ.

ຮີລາມັນ 5:43–49

ນີໄຟ ແລະ ລີໄຮອອກຈາກຄຸກ, ແລະ ຜູ້ຄົນຫລຽວເບິ່ງ

ນີໄຟ, ລີໄຮ, ແລະ ຜູ້ຄົນທັງໝົດໄດ້ອອກຈາກຄຸກ. ພວກເຂົາໄດ້ບອກຫລາຍຄົນຕະຫລອດທົ່ວແຜ່ນດິນ ເຖິງສິ່ງທີ່ພວກເຂົາໄດ້ເຫັນ ແລະ ໄດ້ຍິນໃນມື້ນັ້ນ. ຊາວເລມັນສ່ວນໃຫຍ່ໄດ້ເຊື່ອ ແລະ ເລືອກທີ່ຈະຕິດຕາມພຣະເຢຊູ. ພວກເຂົາໄດ້ຢຸດຕໍ່ສູ້ໃນສົງຄາມ. ແທນນັ້ນ, ພວກເຂົາໄດ້ຊ່ວຍຜູ້ຄົນໃຫ້ມີສັດທາໃນພຣະເຢຊູ ແລະ ກັບໃຈ.

ຮີລາມັນ 5:50–52; 6:1–6