“ໂຄຣິອານທັນ,” ເລື່ອງພຣະຄຳພີມໍມອນ (2023)
ໂຄຣິອານທັນ
ການຫັນມາຫາພຣະຜູ້ເປັນເຈົ້າອີກຄັ້ງ
ໂຄຣິອານທັນແມ່ນລູກຊາຍຄົນໜຶ່ງຂອງແອວມາ. ລາວໄດ້ໄປກັບພໍ່ຂອງລາວ, ຊິບລັນ ອ້າຍຂອງລາວ, ແລະ ຄົນອື່ນໆ ເພື່ອສິດສອນຜູ້ຄົນກຸ່ມໜຶ່ງທີ່ເອີ້ນວ່າ ຊາວໂຊຣຳ ກ່ຽວກັບພຣະກິດຕິຄຸນຂອງພຣະເຢຊູຄຣິດ.
ຂະນະທີ່ໂຄຣິອານທັນຢູ່ກັບຜູ້ຄົນ, ລາວໄດ້ຖືກລໍ້ໃຈໃຫ້ເຮັດບາບ. ແທນທີ່ຈະເຊື່ອຟັງພຣະຜູ້ເປັນເຈົ້າ, ລາວໄດ້ເລືອກເຮັດສິ່ງທີ່ຕໍ່ຕ້ານພຣະບັນຍັດຂອງພຣະເຈົ້າ. ຍ້ອນສິ່ງທີ່ລາວໄດ້ເຮັດ, ຊາວໂຊຣຳບາງຄົນຈຶ່ງບໍ່ເຊື່ອສິ່ງທີ່ແອວມາ ແລະ ພວກລູກຊາຍຂອງເພິ່ນໄດ້ສິດສອນ.
ແອວມາໄດ້ເຊື້ອເຊີນໂຄຣິອານທັນໃຫ້ກັບໃຈ ແລະ ຫັນມາຫາພຣະຜູ້ເປັນເຈົ້າເພື່ອການໃຫ້ອະໄພ. ໂຄຣິອານທັນເປັນຫ່ວງກ່ຽວກັບບາງສ່ວນໃນແຜນຂອງພຣະຜູ້ເປັນເຈົ້າ. ແອວມາໄດ້ຊ່ວຍລູກຊາຍຂອງເພິ່ນໃຫ້ເຂົ້າໃຈແຜນແຫ່ງຄວາມສຸກຂອງພຣະຜູ້ເປັນເຈົ້າ, ການຊົດໃຊ້ຂອງພຣະຄຣິດ, ການຟື້ນຄືນຊີວິດ, ແລະ ຊີວິດຫລັງຈາກຄວາມຕາຍ. ແອວມາໄດ້ເຕືອນລາວວ່າພຣະຜູ້ເປັນເຈົ້າມີວຽກງານໃຫ້ລາວເຮັດ.
ໂຄຣິອານທັນໄດ້ເຊື່ອຟັງພໍ່ລາວ. ລາວມີສັດທາໃນພຣະເຢຊູ ແລະ ໄດ້ກັບໃຈຈາກບາບຂອງລາວ. ລາວໄດ້ຮຽນຮູ້ວ່າ ພຣະຜູ້ເປັນເຈົ້າທ່ຽງທຳ ແລະ ຊົງຮັກ ແລະ ເມດຕາ. ໂຄຣິອານທັນໄດ້ສິດສອນອີກຄັ້ງກັບພໍ່ ແລະ ອ້າຍຂອງລາວ. ພວກເພິ່ນໄດ້ສິດສອນຫລາຍຄົນກ່ຽວກັບຄວາມຊື່ນຊົມ ແລະ ສັນຕິສຸກຂອງການກັບໃຈ ແລະ ການດຳລົງຊີວິດຕາມພຣະກິດຕິຄຸນຂອງພຣະເຢຊູຄຣິດ.