ແອວມາ ແລະ ໂຄຣິຫໍ

ມີສັດທາວ່າພຣະເຈົ້າມີຈິງ

ໂຄຣິຫໍຍິ້ມ ແລະ ເວົ້າກັບບາງຄົນ ຂະນະທີ່ພວກເຂົາຍ່າງໄປນຳກັນໃນເສັ້ນທາງທີ່ຄັບຄັ່ງ

ຊາຍຄົນໜຶ່ງຊື່ ໂຄຣິຫໍ ໄດ້ເຂົ້າມາໃນແຜ່ນດິນເຊຣາເຮັມລາ. ລາວໄດ້ບອກຜູ້ຄົນວ່າ ມັນບໍ່ມີພຣະເຈົ້າ ແລະ ພຣະເຢຊູຄຣິດ.

ແອວມາ 30:6, 12, 37–38, 45

ໂຄຣິຫໍຍິ້ມ ແລະ ສະແດງທ່າທາງໃສ່ເດັກທີ່ໂສກເສົ້າ

ໂຄຣິຫໍເວົ້າວ່າຜູ້ຄົນຈະຮູ້ບາງສິ່ງບາງຢ່າງໄດ້ກໍຕໍ່ເມື່ອເຂົາເຫັນເທົ່ານັ້ນ. ລາວໄດ້ເວົ້າເຍາະເຍີ້ຍຜູ້ຄົນທີ່ເຊື່ອໃນພຣະເຢຊູ.

ແອວມາ 30:13–16

ໂຄຣິຫໍເວົ້າວ່າຜູ້ຄົນບໍ່ຕ້ອງການພຣະບັດຍັດຂອງພຣະເຈົ້າ. ລາວເວົ້າວ່າຜູ້ຄົນສາມາດເຮັດຫຍັງກໍໄດ້ທີ່ພວກເຂົາຕ້ອງການ. ຫລາຍຄົນໄດ້ເຊື່ອລາວ. ພວກເຂົາໄດ້ຕັດສິນໃຈເຮັດສິ່ງທີ່ບໍ່ດີ.

ແອວມາ 30:17–18

ໂຄຣິຫໍຖືກມັດ ແລະ ຖືກພວກທະຫານພາອອກໄປຈາກໝູ່ບ້ານ

ໂຄຣິຫໍໄດ້ພະຍາຍາມສິດສອນຊາວອານໄທ-ນີໄຟ-ລີໄຮ, ແຕ່ພວກເຂົາບໍ່ໄດ້ເຊື່ອລາວ. ພວກເຂົາໄດ້ມັດລາວ ແລະ ສົ່ງລາວໃຫ້ໜີໄປ. ລາວໄດ້ໄປຫາແຜ່ນດິນກີເດໂອນແທນ. ຜູ້ຄົນຢູ່ທີ່ນັ້ນກໍໄດ້ມັດລາວເຊັ່ນກັນ. ພວກເຂົາໄດ້ສົ່ງລາວໄປຫາແອວມາ.

ແອວມາ 30:19–29

ໂຄຣິຫໍໄດ້ບອກແອວມາວ່າ ມັນບໍ່ມີພຣະເຈົ້າ. ລາວເວົ້າວ່າແອວມາ ແລະ ພວກປະໂລຫິດຄົນອື່ນໆກຳລັງຕົວະຜູ້ຄົນ. ໂຄຣິຫໍເວົ້າວ່າ ເຂົາເຈົ້າກຳລັງເຮັດໃຫ້ຜູ້ຄົນເຮັດຕາມປະເພນີທີ່ບ້າໆບໍໆ. ລາວກໍໄດ້ເວົ້າອີກວ່າ ເຂົາເຈົ້າກຳລັງຮັບເງິນຈາກຜູ້ຄົນ. ແອວມາຮູ້ວ່າສິ່ງນີ້ບໍ່ເປັນຄວາມຈິງ. ເພິ່ນເຊື່ອໃນພຣະເຈົ້າ ແລະ ພຣະເຢຊູ.

ແອວມາ 30:30–40

ແອວມາເວົ້າກັບຝູງຊົນຂະນະທີ່ໂຄຣິຫໍນັ່ງກອດມືຢູ່ຂ້າງຫລັງ

ແອວມາເວົ້າວ່າບັນດາສາດສະດາ ແລະ ທຸກສິ່ງຢູ່ເທິງແຜ່ນດິນໂລກ ຊ່ວຍໃຫ້ຜູ້ຄົນຮູ້ວ່າພຣະເຈົ້າມີຈິງ. ໂຄຣິຫໍຕ້ອງການຫລັກຖານຕື່ມອີກ. ແອວມາເວົ້າວ່າເພິ່ນຈະໃຫ້ໂຄຣິຫໍເຫັນຫລັກຖານ. ເພິ່ນເວົ້າວ່າພຣະເຈົ້າຈະເຮັດໃຫ້ໂຄຣິຫໍບໍ່ສາມາດເວົ້າ. ທັນທີທີ່ແອວມາເວົ້າສິ່ງນີ້, ໂຄຣິຫໍກໍບໍ່ສາມາດເວົ້າ.

ແອວມາ 30:41–50

ໂຄຣິຫໍເບິ່ງຄືໂສກເສົ້າ ແລະ ຊີ້ໃສ່ເຈ້ຍທີ່ມີຂໍ້ຄວາມຂຽນໄວ້ ຂະນະທີ່ຝູງຊົນຍ່າງໜີຈາກລາວ

ໂຄຣິຫໍໄດ້ຂຽນວ່າ ລາວຮູ້ວ່າພຣະເຈົ້າມີຈິງ. ລາວຮູ້ມາຕະຫລອດ. ລາວໄດ້ຂຽນວ່າ ມານໄດ້ຫລອກລວງລາວ. ມານໄດ້ບອກໂຄຣິຫໍໃຫ້ສິດສອນຄວາມຕົວະກ່ຽວກັບພຣະເຈົ້າ ແລະ ພຣະເຢຊູ. ເມື່ອຜູ້ຄົນໄດ້ຮຽນຮູ້ຄວາມຈິງກ່ຽວກັບໂຄຣິຫໍ, ພວກເຂົາຈຶ່ງບໍ່ເຊື່ອການສິດສອນຂອງລາວ. ພວກເຂົາໄດ້ກັບໃຈ ແລະ ເລີ່ມຕິດຕາມພຣະເຢຊູອີກຄັ້ງ.

ແອວມາ 30:52–53, 57–58