ບ້ານໃໝ່ໃນແຜ່ນດິນແຫ່ງຄຳສັນຍາ

ຊາວນີໄຟ ແລະ ຊາວເລມັນ

ຄອບຄົວຂອງລີໄຮ ແລະ ຊາໄຣຢາ ເລີ່ມທະວີຄູນໃນແຜ່ນດິນແຫ່ງຄຳສັນຍາ. ລູກຫລານຂອງພວກເພິ່ນໄດ້ມີລູກຫລານຂອງຕົນເອງ. ລີໄຮໄດ້ເຖົ້າແກ່ລົງ. ກ່ອນເພິ່ນເສຍຊີວິດ, ເພິ່ນໄດ້ອວຍພອນຜູ້ຄົນໃນຄອບຄົວຂອງເພິ່ນ. ເພິ່ນໄດ້ບອກພວກເຂົາວ່າ ເມື່ອພວກເຂົາຮັກສາພຣະບັນຍັດຂອງພຣະເຈົ້າ, ພຣະຜູ້ເປັນເຈົ້າຈະຊ່ວຍເຫລືອພວກເຂົາ.

2 ນີໄຟ 4:3–12

ຮູບພາບ

ເລມັນ ແລະ ເລມູເອນກຳລັງຫລຽວເບິ່ງນີໄຟ

ຫລັງຈາກລີໄຮໄດ້ເສຍຊີວິດໄປ, ນີໄຟໄດ້ນຳພາຜູ້ຄົນ. ເພິ່ນໄດ້ບອກພວກເຂົາໃຫ້ເຊື່ອຟັງພຣະຜູ້ເປັນເຈົ້າ. ເລມັນ ແລະ ເລມູເອນໃຈຮ້າຍ. ພວກເຂົາຢາກຂ້ານີໄຟ ເພື່ອວ່າພວກເຂົາຈະໄດ້ນຳພາແທນ.

2 ນີໄຟ 4:13; 5:1–4

ຮູບພາບ

ກຸ່ມຜູ້ຄົນກຳລັງເດີນທາງ

ພຣະຜູ້ເປັນເຈົ້າໄດ້ບອກໃຫ້ນີໄຟໜີໄປກັບຄອບຄົວຂອງເພິ່ນ ແລະ ທຸກຄົນທີ່ຢາກຕິດຕາມພຣະຜູ້ເປັນເຈົ້າ. ພວກເຂົາໄດ້ເດີນທາງເປັນເວລາຫລາຍມື້ ແລະ ໄດ້ພົບສະຖານທີ່ໃໝ່ເພື່ອຢູ່ອາໄສ.

2 ນີໄຟ 5:1, 5–8

ຮູບພາບ

ຜູ້ຄົນກຳລັງປູກພືດພັນ

ຜູ້ທີ່ໄດ້ໄປກັບນີໄຟຖືກເອີ້ນວ່າ ຊາວນີໄຟ, ແລະ ຜູ້ທີ່ບໍ່ໄດ້ໄປຖືກເອີ້ນວ່າ ຊາວເລມັນ. ຊາວນີໄຟໄດ້ຂໍໃຫ້ນີໄຟນຳພາພວກເຂົາ. ພວກເຂົາເຮັດວຽກໜັກ. ພວກເຂົາໄດ້ປູກພືດພັນ, ລ້ຽງສັດ, ແລະ ສ້າງພຣະວິຫານ ແລະ ອາຄານອື່ນໆ. ປະໂລຫິດ ແລະ ຄູສອນໄດ້ສິດສອນພວກເຂົາກ່ຽວກັບພຣະຜູ້ເປັນເຈົ້າ, ແລະ ຜູ້ຄົນມີຄວາມສຸກ.

2 ນີໄຟ 5:9–11, 13–17, 26–27