“ອິດຊະມາເອນ ແລະ ຄອບຄົວຂອງເພິ່ນ,” ເລື່ອງພຣະຄຳພີມໍມອນ (2023)
ອິດຊະມາເອນ ແລະ ຄອບຄົວຂອງເພິ່ນ
ການເຂົ້າຮ່ວມການເດີນທາງໄປຫາແຜ່ນດິນແຫ່ງຄຳສັນຍາ
ຄອບຄົວຂອງລີໄຮ ແລະ ຊາໄຣຢາໄດ້ອາໄສຢູ່ຕາມລຳພັງຢູ່ໃນຖິ່ນແຫ້ງແລ້ງກັນດານ. ມີມື້ໜຶ່ງ, ພຣະຜູ້ເປັນເຈົ້າໄດ້ບອກລີໄຮໃຫ້ສົ່ງພວກລູກຊາຍຂອງເພິ່ນ, ເລມັນ, ເລມູເອນ, ແຊມ, ແລະ ນີໄຟ, ໄປເຢຣູຊາເລັມ. ເຂົາເຈົ້າຖືກສົ່ງໄປເພື່ອຂໍໃຫ້ອິດຊະມາເອນ ແລະ ຄອບຄົວຂອງເພິ່ນມາເຂົ້າຮ່ວມນຳເຂົາເຈົ້າ. ຄອບຄົວຂອງເຂົາເຈົ້າທັງສອງຈະສາມາດລ້ຽງດູລູກເຕົ້ານຳກັນຢູ່ໃນແຜ່ນດິນແຫ່ງຄຳສັນຍາ.
ອິດຊະມາເອນ ແລະ ຄອບຄົວຂອງເພິ່ນຢາກຕິດຕາມພຣະຜູ້ເປັນເຈົ້າ. ເຂົາເຈົ້າເຊື່ອວ່າພຣະຜູ້ເປັນເຈົ້າຢາກໃຫ້ເຂົາເຈົ້າເຂົ້າຮ່ວມກັບຄອບຄົວຂອງລີໄຮ ແລະ ຊາໄຣຢາ. ເຂົາເຈົ້າເລືອກທີ່ຈະໜີຈາກເຢຣູຊາເລັມ ແລະ ໄປພົບກັບລີໄຮຢູ່ໃນຖິ່ນແຫ້ງແລ້ງກັນດານ.
ໃນເສັ້ນທາງ, ບາງຄົນບໍ່ຢາກເຊື່ອຟັງອີກແລ້ວ. ພວກເຂົາຢາກກັບຄືນໄປບ້ານ. ນີໄຟໄດ້ຂໍໃຫ້ພວກເຂົາມີສັດທາໃນພຣະຜູ້ເປັນເຈົ້າ.
ນີໄຟໄດ້ເວົ້າວ່າພຣະຜູ້ເປັນເຈົ້າສາມາດເຮັດທຸກສິ່ງ ຖ້າຫາກເຂົາເຈົ້າມີສັດທາ. ແຕ່ເລມັນ ແລະ ເລມູເອນໃຈຮ້າຍ. ພວກເຂົາໄດ້ມັດນີໄຟ ແລະ ຢາກປະເພິ່ນໄວ້ຢູ່ໃນຖິ່ນແຫ້ງແລ້ງກັນດານ.
ນີໄຟໄດ້ອະທິຖານຂໍຄວາມຊ່ວຍເຫລືອ. ເຊືອກໄດ້ຫລຸດອອກ, ແລະ ນີໄຟໄດ້ຢືນຂຶ້ນ. ແຕ່ເລມັນ ແລະ ເລມູເອນຍັງຕ້ອງການທຳຮ້າຍເພິ່ນຢູ່. ລູກສາວຄົນໜຶ່ງຂອງອິດຊະມາເອນໄດ້ປົກປ້ອງນີໄຟ. ແມ່ຂອງນາງ ແລະ ອ້າຍຂອງນາງຄົນໜຶ່ງກໍໄດ້ປົກປ້ອງເພິ່ນຄືກັນ. ເລມັນ ແລະ ເລມູເອນໄດ້ຟັງຄວາມເຂົາເຈົ້າ ແລະ ໄດ້ຢຸດພະຍາຍາມທຳຮ້າຍນີໄຟ.
ເລມັນ ແລະ ເລມູເອນຮູ້ສຶກເສຍໃຈກ່ຽວກັບສິ່ງທີ່ພວກເຂົາໄດ້ເຮັດ. ພວກເຂົາໄດ້ຂໍໃຫ້ນີໄຟອະໄພໃຫ້ພວກເຂົາ. ນີໄຟໄດ້ອະໄພໃຫ້ພວກອ້າຍຂອງເພິ່ນ. ແລ້ວເລມັນ ແລະ ເລມູເອນໄດ້ອະທິຖານ ແລະ ທູນຂໍໃຫ້ພຣະຜູ້ເປັນເຈົ້າອະໄພໃຫ້ພວກເຂົາ.
ເຂົາເຈົ້າທັງໝົດໄດ້ສືບຕໍ່ເດີນທາງຕໍ່ໄປ ແລະ ໄດ້ໄປເຖິງຜ້າເຕັນຂອງລີໄຮ ແລະ ຊາໄຣຢາ. ໃນທີ່ສຸດ, ສອງຄອບຄົວກໍໄດ້ເຂົ້າຮ່ວມກັນ. ເຂົາເຈົ້າໄດ້ຂອບພຣະໄທພຣະຜູ້ເປັນເຈົ້າ ແລະ ນະມັດສະການພຣະອົງ.