“ສາວໃຊ້ຊາວນີໄຟ,” ເລື່ອງພຣະຄຳພີມໍມອນ (2023)
ສາວໃຊ້ຊາວນີໄຟ
ການຊ່ວຍປົກປ້ອງຜູ້ຄົນຂອງນາງ
ສາວໃຊ້ເປັນຜູ້ຮັບໃຊ້ຜູ້ນຳຊາວນີໄຟຄົນໜຶ່ງຊື່ ໂມຣິອານທັນ. ໂມຣິອານທັນໄດ້ສ້າງບັນຫາໃນບັນດາຜູ້ຄົນ. ລາວໄດ້ໂຈມຕີຊາວນີໄຟກຸ່ມໜຶ່ງ ແລະ ໄດ້ພະຍາຍາມຍຶດເອົາແຜ່ນດິນຂອງພວກເຂົາ. ແລ້ວລາວໄດ້ວາງແຜນທີ່ຈະເດີນທາງໄປພາກເໜືອກັບຜູ້ຄົນຂອງລາວ ເພື່ອຍຶດເອົາແຜ່ນດິນຢູ່ທີ່ນັ້ນ.
ມື້ໜຶ່ງ, ໂມຣິອານທັນໄດ້ໃຈຮ້າຍໃຫ້ສາວໃຊ້. ລາວໄດ້ປະຕິບັດຕໍ່ນາງຢ່າງທາລຸນ ແລະ ທຳຮ້າຍນາງ. ສາວໃຊ້ໄດ້ລັກໜີ ແລະ ໄດ້ແລ່ນໄປຫາຄ້າຍຂອງແມ່ທັບໂມໂຣໄນ. ນາງໄດ້ບອກໂມໂຣໄນກ່ຽວກັບສິ່ງບໍ່ດີທີ່ໂມຣິອານທັນໄດ້ເຮັດ. ໂມໂຣໄນໄດ້ເຊື່ອນາງ.
ສາວໃຊ້ໄດ້ເວົ້າອີກວ່າ ໂມຣິອານທັນຢາກໄປຍຶດເອົາແຜ່ນດິນຢູ່ທາງພາກເໜືອ. ໂມໂຣໄນເປັນຫ່ວງ. ຊາວນີໄຟອາດຕົກຢູ່ໃນອັນຕະລາຍ ຖ້າຫາກໂມຣິອານທັນຍຶດເອົາແຜ່ນດິນຢູ່ທາງພາກເໜືອ. ມັນອາດເຮັດໃຫ້ຜູ້ຄົນສູນເສຍອິດສະລະພາບຂອງພວກເຂົາ.
ໂມໂຣໄນໄດ້ສົ່ງກອງທັບໄປເພື່ອຢຸດຢັ້ງໂມຣິອານທັນ. ຜູ້ຄົນຂອງໂມຣິອານທັນໄດ້ຕໍ່ສູ້ກັບກອງທັບ ແລະ ຜ່າຍແພ້. ພວກເຂົາໄດ້ສັນຍາວ່າຈະຢູ່ຢ່າງສັນຕິ ແລະ ໄດ້ກັບຄືນໄປຫາແຜ່ນດິນຂອງພວກເຂົາ. ເພາະສາວໃຊ້ໄດ້ເຕືອນໂມໂຣໄນ, ເມືອງນີໄຟຕ່າງໆຈຶ່ງປອດໄພ.