“ທີອານຄຳ,” ເລື່ອງພຣະຄຳພີມໍມອນ (2023)
ທີອານຄຳ
ການປົກປ້ອງຜູ້ຄົນຂອງລາວ
ທີອານຄຳແມ່ນຜູ້ນຳຄົນໜຶ່ງໃນກອງທັບຂອງນາຍທັບໂມໂຣໄນ. ລາວພະຍາຍາມຮັກສາເມືອງນີໄຟຕ່າງໆໃຫ້ປອດໄພຈາກຊາວເລມັນ.
ອະມາລີໄຄຢາແມ່ນຊາວນີໄຟຜູ້ໄດ້ກາຍເປັນກະສັດຊາວເລມັນ. ລາວຕ້ອງການປົກຄອງເໜືອຊາວນີໄຟນຳອີກ. ລາວໄດ້ໂຈມຕີຊາວນີໄຟ ແລະ ໄດ້ຍຶດເອົາຫລາຍຫົວເມືອງ.
ແອວມາ 47:1, 35; 48:1–4; 51:23–28
ກອງທັບຂອງທີອານຄຳໄດ້ໄປຢຸດກອງທັບຂອງອະມາລີໄຄຢາຈາກການໂຈມຕີເມືອງນີໄຟຕ່າງໆ.
ກອງທັບໄດ້ຕໍ່ສູ້ກັນໝົດມື້. ທີອານຄຳ ແລະ ກອງທັບຂອງລາວໄດ້ຕໍ່ສູ້ດ້ວຍກຳລັງ ແລະ ເກັ່ງກ້າຫລາຍກວ່າກອງທັບຂອງອະມາລີໄຄຢາ. ແຕ່ບໍ່ມີກອງທັບໃດໄຊຊະນະ. ເມື່ອມືດແລ້ວ, ກອງທັບທັງສອງໄດ້ຢຸດການຕໍ່ສູ້ ເພື່ອວ່າພວກເຂົາຈະໄດ້ພັກຜ່ອນ.
ແອວມາ 51:31—32
ແຕ່ທີອານຄຳບໍ່ໄດ້ພັກຜ່ອນ. ລາວ ແລະ ຂ້າໃຊ້ຂອງລາວໄດ້ລັກເຂົ້າໄປໃນຄ້າຍຂອງອະມາລີໄຄຢາ.
ທີອານຄຳລອບເຂົ້າໄປໃນຜ້າເຕັນຂອງອະມາລີໄຄຢາ. ລາວໄດ້ຂ້າອະມາລີໄຄຢາກ່ອນທີ່ອະມາລີໄຄຢາຈະຕື່ນຂຶ້ນ. ແລ້ວທີອານຄຳໄດ້ໄປຫາຄ້າຍຂອງລາວ ແລະ ໄດ້ບອກທະຫານຂອງລາວວ່າ ໃຫ້ກຽມພ້ອມທີ່ຈະຕໍ່ສູ້.
ເມື່ອຊາວເລມັນໄດ້ຕື່ນຂຶ້ນ, ພວກເຂົາເຫັນວ່າອະມາລີໄຄຢາໄດ້ຕາຍແລ້ວ. ພວກເຂົາກໍໄດ້ເຫັນອີກວ່າ ທີອານຄຳ ແລະ ກອງທັບຂອງລາວພ້ອມແລ້ວທີ່ຈະຕໍ່ສູ້ກັບພວກເຂົາ.
ຊາວເລມັນຢ້ານກົວ ແລະ ໄດ້ແລ່ນໜີໄປ. ແຜນຂອງທີອານຄຳໄດ້ເຮັດໃຫ້ຊາວເລມັນບໍ່ກ້າທີ່ຈະໂຈມຕີເມືອງນີໄຟບ່ອນອື່ນໆອີກ. ບັດນີ້ທີອານຄຳໄດ້ເຮັດໃຫ້ເມືອງນີໄຟຕ່າງໆປອດໄພຫລາຍຂຶ້ນ. ລາວໄດ້ເຮັດວຽກໜັກເພື່ອປົກປ້ອງຜູ້ຄົນຂອງລາວ. ລາວສາມາດຮັກສາເມືອງນີໄຟຕ່າງໆໃຫ້ປອດໄພ.