“ພະຍຸໃນທະເລ,” ເລື່ອງພຣະຄຳພີມໍມອນ (2023)
“ພະຍຸໃນທະເລ,” ເລື່ອງພຣະຄຳພີມໍມອນ
ພະຍຸໃນທະເລ
ການຊອກຫາສັນຕິສຸກໃນພຣະຜູ້ເປັນເຈົ້າ
ພຣະຜູ້ເປັນເຈົ້າໄດ້ບອກລີໄຮວ່າ ມັນເຖິງເວລາແລ້ວທີ່ຈະຂຶ້ນເຮືອ. ຄອບຄົວໄດ້ທ້ອນໂຮມເອົາອາຫານເພື່ອໄວ້ກິນຂະນະທີ່ເຂົາເຈົ້າເດີນທາງ. ແລ້ວເຂົາເຈົ້າທຸກຄົນໄດ້ຂຶ້ນເຮືອ ແລະ ຂັບເຮືອມຸ້ງໄປຫາແຜ່ນດິນແຫ່ງຄຳສັນຍາ.
ຫລັງຈາກຫລາຍມື້ຢູ່ໃນທະເລ, ບາງຄົນໄດ້ເລີ່ມສະແດງຄວາມບໍ່ເຄົາລົບ ແລະ ຫຍາບຄາຍ. ພວກເຂົາລືມໄປວ່າພຣະຜູ້ເປັນເຈົ້າໄດ້ຊ່ວຍພວກເຂົາ.
ນີໄຟເປັນຫ່ວງວ່າ ພວກເຂົາອາດເຮັດໃຫ້ພຣະຜູ້ເປັນເຈົ້າບໍ່ພໍພຣະໄທ. ຖ້າປາດສະຈາກຄວາມຊ່ວຍເຫລືອຂອງພຣະຜູ້ເປັນເຈົ້າແລ້ວ, ເຮືອຂອງພວກເຂົາຈະບໍ່ປອດໄພ. ນີໄຟໄດ້ຂໍໃຫ້ພວກອ້າຍຂອງເພິ່ນຢຸດຕິ.
ເລມັນ ແລະ ເລມູເອນໄດ້ໃຈຮ້າຍໃຫ້ນີໄຟ. ພວກເຂົາໄດ້ມັດເພິ່ນໄວ້ ແລະ ເວົ້າຄຳຫຍາບຄາຍກັບເພິ່ນ. ພວກເຂົາບໍ່ໄດ້ເຊື່ອຟັງພຣະຜູ້ເປັນເຈົ້າ, ແລະ ເລຍໂຮນາໄດ້ຢຸດທຳງານ. ບໍ່ດົນລົມພະຍຸໃຫຍ່ກໍໄດ້ເກີດຂຶ້ນ. ຫລັງຈາກສາມມື້ໃນພະຍຸ, ພວກເຂົາທຸກຄົນຢ້ານກົວວ່າຕົວເອງຈະຈົມນ້ຳ.
ຄອບຄົວຂອງນີໄຟໄດ້ອ້ອນວອນຂໍໃຫ້ເລມັນແກ້ເຊືອກອອກຈາກນີໄຟ. ແຕ່ເລມັນ ແລະ ເລມູເອນຍັງບໍ່ໃຫ້ຄົນໃດແກ້ເຊືອກອອກຈາກນີໄຟ. ຊາໄຣຢາ ແລະ ລີໄຮໂສກເສົ້າ ແລະ ໄດ້ລົ້ມປ່ວຍ. ພະຍຸຍັງບໍ່ຢຸດ.
ໃນມື້ທີສີ່, ເລມັນ ແລະ ເລມູເອນຮູ້ວ່າ ເຮືອກຳລັງຈະຈົມນ້ຳ. ພວກເຂົາໄດ້ກັບໃຈ ແລະ ແກ້ເຊືອກອອກຈາກນີໄຟ. ເມື່ອນີໄຟອະທິຖານ, ພະຍຸກໍຢຸດ. ເລຍໂຮນາກໍທຳງານອີກຄັ້ງ. ນີໄຟໄດ້ໃຊ້ມັນເພື່ອຂັບເຮືອໄປໃນທາງທີ່ຖືກຕ້ອງ.
ຫລັງຈາກຫລາຍມື້, ຄອບຄົວໄດ້ໄປເຖິງແຜ່ນດິນແຫ່ງຄຳສັນຍາ.