Suesuega Faaleaoaoga Faavae
Ola Faavavau
O le ola e faavavau o le fuaitau lea o loo faaaogaina i tusitusiga paia e faauiga ai le olaga o loo soifua ai lo tatou Tama e Faavavau. Sa fetalai mai le Alii, “O laʼu galuega ma loʼu mamalu lenei—ia aumaia le tino ola pea ma le ola faavavau o le tagata” (Mose 1:39). O le tino ola pea, o le ola lea e faavavau o se tagata toetu. E ala i le Togiola a Iesu Keriso, o le a maua ai e tagata uma lenei meaalofa. O le ola faavavau, po o le faaeaga, o le nofo lea i le afioaga o le Atua ma faaauau ai o ni aiga (tagai i le Mataupu Faavae ma Feagaiga 131:1–4). E pei lava o le tino ola pea, o lenei meaalofa ua mafai ona maua ona o le Togiola a Iesu Keriso. Ae peitai, e manaomia ai foi lo tatou “usiusitai i tulafono ma sauniga o le Talalelei” (Mataupu Faavae o le Faatuatua 1:3).
Vaaiga Lautele
O le ola e faavavau o le fuaitau lea o loo faaaogaina i tusitusiga paia e faauiga ai le olaga o loo soifua ai lo tatou Tama e Faavavau. Sa fetalai mai le Alii, “O laʼu galuega ma loʼu mamalu lenei—ia aumaia le tino ola pea ma le ola faavavau o le tagata” (Mose 1:39). O le tino ola pea, o le ola lea e faavavau o se tagata toetu. E ala i le Togiola a Iesu Keriso, o le a maua ai e tagata uma lenei meaalofa. O le ola faavavau, po o le faaeaga, o le nofo lea i le afioaga o le Atua ma faaauau ai o ni aiga (tagai i le Mataupu Faavae ma Feagaiga 131:1–4). E pei lava o le tino ola pea, o lenei meaalofa ua mafai ona maua ona o le Togiola a Iesu Keriso. Ae peitai, ina ia mautofi i le ola faavavau e manaomia ai lo tatou “usiusitai i tulafono ma sauniga o le Talalelei” (Mataupu Faavae o le Faatuatua 1:3).
Pe a papatisoina i tatou ma maua le meaalofa o le Agaga Paia, ua tatou ulu atu i le ala e tau atu i le ola faavavau. Sa aoao mai le perofeta o Nifae:
“O le faitotoa e tatau ona outou ulu atu ai o le salamo ma le papatisoga i le vai; ona oo mai ai lea o se faamagaloga o a outou agasala i le afi ma i le Agaga Paia.
“Ma, ona outou i ai lea i lenei ala lauitiiti ma le vaapiapi e tau atu i le ola e faavavau; ioe, ua outou ulu atu i le faitotoa; ua outou faia e tusa ma poloaiga a le Tamā ma le Alo; ma ua outou maua le Agaga Paia, o lē e molimau i le Tamā ma le Alo, i le faataunuuina o le folafolaga na ia faia, e faapea afai tou te ui atu i le ala o le a outou maua” (2 Nifae 31:17–18).
Sa faamamafa mai e Nifae e faapea, a uma ona tatou ulu atu i lenei “ala lauitiiti ma le vaapiapi,” e tatau ona tatou tumau i le faatuatua seia oo i le iuga.
“Pe a uma ona outou i ai i lenei ala lauitiiti ma le vaapiapi, ou te fesili atu pe ua uma ona faia o mea uma? Faauta, ou te fai atu ia te outou, E leai; ona tou te lē oo mai iinei pe a na lē seanoa le afioga a Keriso faatasi ma le faatuatua lē mafaamaluelueina ia te ia, ma le faalagolago atoa i galuega a ia o lē ua malosi aoao e laveai.
“O le mea lea, e tatau ai ona outou fetaomi atu i luma ma le tumau ia Keriso, ma se susulu atoatoa o le faamoemoe, ma le alofa i le Atua ma tagata uma. O le mea lea, afai tou te fetaomi atu i luma, ma taumamafa fiafia i le afioga a Keriso, ma tumau e oo i le iuga, faauta, ua faapea ona fetalai mai o le Tamā: O le a outou maua le ola e faavavau” (2 Nifae 31:19–20).
A uma ona papatisoina i tatou ma maua le meaalofa o le Agaga Paia, o le tele lava o lo tatou alualu i luma agai i le ola e faavavau e faalagolago lea i lo tatou mauaina o isi sauniga o le faaolataga: mo alii, ia faauuina i le Perisitua Mekisateko; mo alii ma tamaitai, o le faaeega paia i le malumalu ma faamauga o faaipoipoga. Pe a tatou maua nei sauniga ma tausi i feagaiga e o mai faatasi ai, ua tatou saunia i tatou lava e mautofi i le ola faavavau.
Tusifaamaumau Ou Lagona Uunai
Autu Fesootai
-
Avea Faapei o le Atua
Tusitusiga Paia
Mau Faasino
Punaoa mo le Suesueina o Tusitusiga Paia
-
Topical Guide, “Eternal Life”
-
Taiala i Tusitusiga Paia, “Ola Faavavau”
-
Index to the Triple Combination, “Eternal Life”
Savali mai Taitai o le Ekalesia
Savali Faaopoopo
Vitio
Our Eternal Life
We Can Live With God Again
Vitio o le Aufaipese a le Tapeneko
Punaoa o le Aoaoina
Punaoa Lautele
“Life After Death,” ComeUntoChrist.org
Mekasini a le Ekalesia
“Come, Follow Me: Knowing the Purpose of Life,” New Era, Fepuari 2014
Tusi Lesona mo Suesuega
I Tala Fou
“Heaven,” Newsroom
Aoaoga a Peresitene o le Ekalesia
Ala o faasalalauga
Otio
“Hope,” Music with a Message, episode 14
“Mapping Your Way—Part 1,” For the Youth, episode 24