“Dumadami ang Bilang ng mga Alagad”

Sa paglago ng Simbahan, ang mga grupo sa loob nito ay nagkakaroon din ng mga pagtatalu-talo sa isa’t isa (Ang Mga Gawa 6:1). Bilang mga miyembro ng Simbahan, paano natin mapaglalabanan ang mga alitan at pagkakahati sa ating kalipunan? Bakit mahalagang gawin natin ang gayon?
Paano nakatagpo ni Felipe ang lalaking taga Etiopia? (Tingnan sa Ang Mga Gawa 8:25–29.) Anong mga biyaya ang dumating kay Felipe at sa taga Etiopia dahil sa pagsunod ni Felipe sa Espiritu? (Tingnan sa Ang Mga Gawa 8:30–38.) Anong mga biyaya ang dumating na sa inyo (o sa isang taong kilala ninyo) dahil sa sinunod ninyo ang Espiritu?
Si Saulo ay nagbago mula sa pagiging tagausig ng mga Banal tungo sa pagiging dakilang tagapaglingkod ng Panginoon nang marinig niya ang tinig ng Panginoon (Ang Mga Gawa 9:1–9, 17). Paano natin maririnig ang tinig ng Panginoon? (Tingnan sa Doktrina at mga Tipan 1:38; 6:23; 8:2; 18:34–36.) Paano makatutulong sa ating pagbabalik-loob ang pagdinig sa kanyang tinig?

Mungkahi para sa Talakayan ng Pamilya

Matapos basahin at markahan ng inyong pamilya ang sangguniang mga banal na kasulatan ay itanong ang mga sumusunod:

Bakit kaya mahalagang maging miyembro ng isang purok (o sangay)? Sinu-sino ang ilan sa mga pinuno at guro sa inyong purok? Ano ang kanilang ginagawa upang tulungan at itaguyod tayo? Ano ang magagawa natin upang tulungan at itaguyod sila?