Aralin 21
“Ano ang Magiging Tanda ng Iyong Pagparito?”
Joseph Smith—Mateo (Mateo 24)
-
Anong palatandaan ng Ikalawang Pagparito ng Tagapagligtas ang inilarawan sa Joseph Smith— Matthew 1:22? Anong katibayan ang nakikita ninyo na natutupad ang mga propesiyang ito? Paano natin maiiwasang malinlang ng mga bulaang propeta? (Tingnan sa Mateo 7:15–20; Doktrina at mga Tipan 45:57; 46:7–8.)
-
Itinuro ng Panginoon na “hindi tayo dapat magulumihanan” nang dahil sa mga digmaan at mga alingawngaw ng mga digmaan (Joseph Smith—Matthew 1:23). Paano tayo makatatagpo ng kapayapaan sa ganito kaligalig na mga panahon? (Tingnan sa 1 Juan 4:16–18; Doktrina at mga Tipan 6:34–36; 45:34–35; 59:23.)
-
Sinabi ng Panginoon sa kanyang mga tagasunod sa Jerusalem na “[tumayo] sa dakong banal” (Joseph Smith—Matthew 1:12), at ibinigay niya ang gayunding pagpapayo sa ating panahon (Doktrina at mga Tipan 87:8; 101:22). Ano ang ilang dakong banal na kung saan ay dapat tayong tumayo?
Mungkahi para sa Talakayan ng Pamilya
Talakayin ang ilang palatandaan na magaganap bago sumapit ang Ikalawang Pagparito, katulad ng nakabalangkas sa sangguniang mga banal na kasulatan sa bahaging ito. Mamigay ng mga bagong pahayagan at magasin ng Simbahan. Pagawain nang mag-isa o nang pares-pares ang mga miyembro ng pamilya upang maghanap sa mga pahayagan at magasin ng mga palatandaan ng Ikalawang Pagparito. Habang ibinabahagi nila ang kanilang nakita, talakayin kung paano makapaghahanda para sa Ikalawang Pagparito.