“पुरानो करारका सम्बन्धमा,” पुरानो करारका कथाहरू (२०२२)
“पुरानो करारका सम्बन्धमा,” पुरानो करारका कथाहरू
पुरानो करारका सम्बन्धमा
धेरै पहिले आफ्ना सन्तानलाई स्वर्गका पिताका प्रतिज्ञाहरू
पवित्र बाइबलको पहिलो अंश पुरानो करार हो । यी धर्मशास्त्रहरू धेरै पहिले, येशू ख्रीष्ट जन्मनु भन्दा पनि पहिले लेखिएका थिए । यसमा कथाहरू छन् जसले हामीलाई उहाँमा आस्था राख्न सहयोग गर्दछन् । पृथ्वीका हरेक व्यक्ति स्वर्गका पिताका परिवारका अंश हुन् र कि उहाँले आफ्ना सन्तानलाई प्रेम गर्नुहुन्छ भनेर यसले हामीलाई सिकाउँछ ।
व्यवस्था ७:७–९; यशैया ४५:१०–१२
पुरानो करारमा, येशू ख्रीष्टलाई यहोवा र परमप्रभु भनिन्छ । उहाँले स्वर्गका पिताका निर्देशनहरूको पालना गर्नुहुन्छ । आदम र हब्बाको समयदेखि स्वर्गका पिताले परमप्रभु येशू ख्रीष्टलाई आफ्ना अगमवक्ताहरूसँग बोल्न पठाउनु भएको छ । स्वर्गका पिताले अगमवक्ताका वचनहरू सत्य हुन् भनेर बुझ्नका लागि हामीलाई सहयोग गर्न पवित्र आत्मा पठाउनु हुन्छ ।
प्रस्थान ६:२–३; २ इतिहास २०:२०; आमोस ३:७; २ पत्रुस १:२१; मोशा २:१
परमप्रभुले अगमवक्ता अब्राहाम र उनकी पत्नी सारालाई प्रतिज्ञा गर्नुभयो कि तिनीहरूको परिवार बढ्नेछ र सम्पूर्ण संसारलाई आशीषित गर्नेछ । तिनीहरूका नाति याकूबको ठूलो परिवार थियो जुन एक राष्ट्र बन्यो । तिनीहरूलाई इस्राएलको घराना अथवा इस्राएलीहरू भनिन्थ्यो । अगमवक्ताहरूले येशू ख्रीष्ट कहिले आउनुहुन्छ भनेर अगाडि हेर्न तिनीहरूलाई सिकाए ।
उत्पत्ति १५:५–६; १७:१–७; व्यवस्था १८:१५; यशैया ७:१४
परमप्रभुले इस्राएलीहरू माथि आफ्ना प्रतिज्ञाहरू कसरी गर्नुभयो भनेर पुरानो करारमा धेरै कथाहरूले देखाउँछन् ।
उत्पत्ति ९:१३–१७; यर्मिया ११:४–५; हिब्रू ११:१–३५
जब इस्राएलीहरूले अगमवक्ताहरूका कुरा सुने र आज्ञाहरूको पालना गरे, परमप्रभुले तिनीहरूलाई सहयोग गर्नुभयो । जब तिनीहरू अवज्ञा गरे, उहाँले तिनीहरूलाई सहयोग गर्न सक्नु भएन ।
व्यवस्था ११:२६–२८; अय्यूब ३६:११–१२
तिमीहरू स्वर्गका पिताको परिवारको अंश हौ । स्वर्गका पिता दयालु हुनुहुन्छ र उहाँले तिमीहरूलाई प्रेम गर्नुहुन्छ । उहाँसँग तिमीहरूका लागि एक योजना छ । परमप्रभु येशू ख्रीष्टका कारण, तिमीहरू स्वर्गका पितासँग जिउन फर्कन सक्नेछौ । जसरी इस्राएलीहरूलाई सिकाइएको थियो, तिमीहरूले परमप्रभुमा आस्था राख्न अनि उहाँका आज्ञाहरूको पालना गर्ने छनोट गर्न सक्दछौ ।