प्रस्थान ११–१२; १४–१५

निस्तार-चाड

परमप्रभुद्वारा संरक्षित

मोशा प्रार्थना गर्दै

फारोले इस्राएलीहरूलाई स्वतन्त्र हुन दिएनन्, त्यसैले परमप्रभुले मोशालाई भन्नुभयो कि उहाँले एउटा अन्तिम विपत्ति पठाउनुहुनेछ । मिश्रदेशको भूमिमा प्रत्येक परिवारको पहिलो जन्मेको बालक मर्नेछ, तिनीहरूका पशुहरू जेठा छोराहरूसमेत ।

प्रस्थान ११:१, ४–१०

मोशा मानिसहरूसँग कुरा गर्दै

परमप्रभुले प्रतिज्ञा गर्नुभयो कि यदि इस्राएलीहरूले उहाँका निर्देशनहरू पालना गरे भने, विपत्तिहरू तिनीहरूमाथिबाट जानेछ र तिनीहरूलाई हानी गर्दैन ।

प्रस्थान १२:३, १३, २३

मानिस ढोकाको चौकोस रङग्याउँदै, बालबालिकाहरू हेर्दै

परमप्रभुले प्रत्येक इस्राएली परिवारलाई एउटा निपूर्ण ठुमको पाठो बलि दिन र आफ्नो घरको ढोकाको चौकोसमा त्यो थुमाको रगतले रङग्याउन भन्नुभयो ।

प्रस्थान १२:४–७

परिवार रातिको खाना खाँदै

परमप्रभुले इस्राएलीहरूलाई थुमाको पाठो पकाउन र चाँडै खान भन्नुभयो । तिनीहरूले खाना खाँदै गर्दा, उनीहरू लुगा लगाएर आफ्नो घर छोड्न तयार हुनुपर्छ । परमप्रभुले भन्नुभयो यदि इस्राएलीहरूले यी कामहरू गरे भने, तिनीहरूका जेठा छोराहरू विपत्ति बाट सुरक्षित हुनेछन् ।

प्रस्थान १२:८–११

फारोका छोरा मरे

परमप्रभुले चेताउनी दिनुभए जस्तै, विपत्ति आयो । फारोको जेठो छोरा सहित मिश्रदेशका सबै जेठा छोराहरू मरे । तर ढोकाको चौकोसमा थुमाको रगत भएको प्रत्येक घरमालाई यो विपत्तिले छोएन । इस्राएलीहरूका जेठा सन्तान बचाइयो किनभने उनीहरूले परमप्रभुको आज्ञा पालना गरे।

प्रस्थान १२:१२–१३, २९–३०

दु:खी फारोले मोशा र हारूनलाई जान भन्दै

जब फारोनले आफ्नो छोरालाई यस विपत्तिका कारण मरेको देखे, उनले मोशा र हारूनलाई सबै इस्राएलीहरूलाई लिई मिश्रदेश छोड्न भने ।

प्रस्थान १२:३१–३३

रिसाएका फारोले सेना पठाउँदै

इस्राएलीहरू गए, तर फारो रिसाएका थिए। तिनले आफ्नो सेना र रथहरू जम्मा गरे र इस्राएलीहरूलाई लखेटे।

प्रस्थान १२:३७–४१; १४:५–८

सेनाले इस्राएलीहरूलाई लखेट्दै

इस्राएलीहरूले लाल समुद्रमा नजिकै शिविर लगाए । छिट्टै फारो र उनका सेनाले तिनीहरूलाई भेटे । जब इस्राएलीहरूले मिश्रीहरूलाई आउँदै गरेको देखे, तिनीहरू डराए । तर मोशाले इस्राएलीहरूलाई भने कि परमप्रभुले तिनीहरूलाई रक्षा गर्नुहुनेछ ।

प्रस्थान १४:९–१४

मोशा लट्ठी उठाउँदै, लाल सागर विभाजित हुँदै

जब मिश्रीहरू नजिक पुगे, परमप्रभुले मोशालाई आफ्नो लट्ठी उठाउन भन्नुभयो । मोशाले गरे र परमप्रभुले समुद्रलाई विभाजित गर्नुभयो । इस्राएलीहरूले सुख्खा जमिनमा समुद्र पार गरे । तिनीहरू फारो र उनको सेनाबाट भागे ।

प्रस्थान १४:१५–१६, २१–२२

मिश्रीहरूको सेनामाथि लाल समुद्र खस्दै

मिश्री सेनाले इस्राएलीहरूलाई खेदे । जब सबै इस्राएलीहरू समुद्रको अर्को छेउमा सुरक्षित भए, परमप्रभुले पानीलाई तल आउन दिनुभयो । मिश्रीहरूको सेना समुद्रमा डुब्यो ।

प्रस्थान १४:२३–३०

इस्राएलीहरू नाच्दै

इस्राएलीहरू अन्ततः स्वतन्त्र भए । तिनीहरूले गीत गाए, नाचे र परमप्रभुलाई धन्यवाद दिए । तिनीहरूले सधैँ निस्तार-चाडलाई त्यो समयको रुपमा सम्झना गरे जब परमप्रभुले तिनीहरूको जीवन बचाउनुभयो र तिनीहरूलाई मिश्रदेशबाट बाहिर लैजानुभयो ।

प्रस्थान १४:३१; १५:१–२२