प्रस्थान १६

इस्राएलीहरू उजाड स्थानमा

परमप्रभुमा भरोसा राख्न सिक्दै

इस्राएलीहरूले मिश्रदेश छोडेको केही समय पछि, तिनीहरूले आफूसँग पर्याप्त खाना नभएको गुनासो गरे । तिनीहरूले उजाडस्थानमा भोकै बस्नुभन्दा मिश्रदेशमा दास हुनु राम्रो हो भने ।

प्रस्थान १६:१–३

इस्राएलीहरूलाई उहाँमा विश्वास गर्न सिकाउनका लागि, परमप्रभुले तिनीहरूका लागि प्रत्येक दिन उठाउन स्वर्गबाट रोटी पठाउनुभयो । अनि उनीहरूले त्यो रोटीलाई मन्ना भने । यसको स्वाद महको जस्तै थियो । हप्ताको सातौँ दिन, शबाथमा परमप्रभुले मन्ना पठाउनुभएन । त्यसैले छैटौँ दिनमा, उहाँले तिनीहरूलाई दुई दिनका लागि पर्याप्त मन्ना उठाउन भन्नुभयो ।

प्रस्थान १६:४–५, ४–३१

केही समयको लागि, परमप्रभुले इस्राएलीहरूलाई खानका लागि बटेर पनि पठाउनुभयो । बिहान तिनीहरूले मन्ना उठाए र साँझ तिनीहरूले बटेर बटुले । इस्राएलीहरूले उहाँमाथि विश्वास गर्न सिकेको परमप्रभु चाहनुहुन्थ्यो । यसरी उहाँले मरूभूमिमा तिनीहरूको हेरचाह गर्नुभयो ।

प्रस्थान १६:११–१३