“योना अगमवक्ता,” पुरानो करारका कथाहरू (२०२१)
“योना अगमवक्ता,” पुरानो करारका कथाहरू
योना १–४
योना अगमवक्ता
परमप्रभुको कृपामा विश्वास गर्न सिक
योना अगमवक्ता थिए । परमप्रभुले तिनलाई निनेवाहका मानिसहरूलाई चेतावनी दिन भन्नुभयो कि यदि तिनीहरूले पश्चात्ताप गरेनन् भने तिनीहरूको शहर नष्ट हुनेछ ।
तर निनेवाहका मानिसहरू इस्राएलीहरूका शत्रु थिए । योना तिनीहरूलाई प्रवचन दिन चाहँदैनथे । त्यसैले तिनी निनेवाहबाट धेरै टाढा जान पानी जहाज चढे ।
योना पानी जहाजमा हुँदा ठूलो आँधी आयो । पानी जहाजमा रहेका मानिसहरू आफ्नो जीवनका लागि डराए । उनीहरूले योनालाई तिनीहरूलाई बचाउनका लागि परमप्रभुलाई प्रार्थना गर्न अनुरोध गरे ।
परमप्रभुले आँधी पठाउनुभयो भनेर योनालाई थाहा थियो किनभने परमप्रभुले उनलाई गर्न भन्नुभएका विषयहरूबाट उनी भाग्दै थिए । योना पानी जहाजमा भएका मानिसहरूलाई बचाउन चाहन्थे । यदि उनीहरूले तिनलाई समुद्रमा फाले भने, आँधीबेहरी रोकिनेछ भनेर उनले भने ।
ती मानिसहरूले योनालाई पानीमा फाल्न चाहेनन् । तिनीहरूले पानी जहाज अवतरण गर्न खोजे तर आँधी धेरै ठूलो थियो । अन्त्यमा, तिनीहरूले योनालाई समुद्रमा फालिदिए ।
आँधी रोकियो । तर त्यसपछि एउटा ठूलो माछाले योनालाई निल्यो ।
योना तीन दिन र तीन रात माछाको पेटभित्र थिए । त्यस समयमा योनाले प्रार्थना गरे र पश्चात्ताप गरे । उनी सही काम गर्न र परमप्रभुलाई सुन्न चाहन्थे । परमप्रभुले योनाको प्रार्थना सुन्नुभयो र माछाले योनालाई सुख्खा जमिनमा थुक्न लगाउनु भयो ।
परमप्रभुले योनालाई निनेवाहका मानिसहरूलाई फेरि प्रवचन गर्न भन्नुभयो । यस पटक योनाले आज्ञा पालन गरे । तिनी निनेवाहकहाँ गए र मानिसहरूलाई पश्चात्ताप गर्न भने नभए परमप्रभुले तिनीहरूको सहरलाई नष्ट गर्नुहुनेछ । राजा र तिनका प्रजाले पश्चात्ताप गरे । परमप्रभुले तिनीहरूलाई क्षमा दिनुभयो र निनेवाहलाई नष्ट गर्नुभएन ।
तर मानिसहरू विनाश नभएकोमा योना निराश भए । तिनीहरूलाई क्षमाका लागि योग्य छन् भनेर उनले सोचेनन् ।
योनालाई पाठ सिकाउनका लागि, परमप्रभुले योनालाई सूर्यबाट छाया दिन एउटा बिरुवा हुर्काउनु भयो । त्यसपछि त्यो बिरुवा मर्यो र योनालाई त्यो बिरूवाका बारेमा नराम्रो लाग्यो ।
परमप्रभुले योनालाई तिनका छोराछोरीहरूका सम्बन्धमा पाठ सिकाउँदै हुनुहुन्थ्यो । मानिसहरूले पश्चात्ताप नगर्दा आफू दुःखी हुनुपर्छ र तिनीहरूले पश्चात्ताप गर्दा खुसी हुनुपर्छ भनी योनाहले सिके ।