“अगमवक्ता एलिया,” पुरानो करारका कथाहरू (२०२१)
“अगमवक्ता एलिया,” पुरानो करारका कथाहरू
१ राजाहरू १६-१८
अगमवक्ता एलिया
आमाको आस्था र परमप्रभुका आश्चर्यकर्महरू
इस्राएलको अधिराज्यमा पानी परेको थिएन र पानी सकिन लागेको थियो । राजा आहाब र रानी ईजेबेलले परमप्रभुका अगमवक्ताहरूलाई मन पराउँदैनथे । तिनीहरूले केही अगमवक्ताहरूलाई मार्न पनि लगाएका थिए । राजा र रानीले वर्षाको लागि मूर्तिहरूलाई प्रार्थना गरे । तर अगमवक्ता एलियाले तिनीहरूलाई भने कि परमप्रभुले वर्षौंसम्म पानी पठाउनुहुने छैन ।
१ राजाहरु १६:२९-३३; १७:१; १८:१३
राजा र रानी एलियासँग रिसाए । परमप्रभुले एलियालाई लुक्न चेतावनी दिनुभयो किनभने उनको जीवन खतरामा थियो ।
परमप्रभुले एलियालाई खोलामा लैजानुभयो र उनलाई खाना ल्याउन चराहरू पठाउनुभयो । तर वर्षा नभएकाले खोला सुक्यो र एलियासँग पानी थिएन ।
परमप्रभुले एलियालाई टाढाको सहरमा एउटी स्त्रीकहाँ लैजानुभयो । एलियाले उनीसँग पानी र रोटी मागे । तर उनीसँग आफ्नो र आफ्नो छोराका लागि थप एक दिनका लागि मात्र पर्याप्त थियो ।
एलियालाई थाहा थियो कि यो उनको अन्तिम खाना थियो । उनले प्रतिज्ञा गरे कि यदि तिनले उनलाई खुवाईन् भने, फेरी पानी नपर्दासम्म परमप्रभुले उनको परिवारका लागि खाना उपलब्ध गराउनुहुनेछ ।
ती महिलाले एलियाका लागि रोटी बनाईन् । त्यसपछि उनको तेल र पिठोको मात्र बढ्यो ! एलिया र उनको परिवारदुबैका लागि धेरै दिनका लागि पर्याप्त खाना थियो ।
एक दिन महिलाको छोरा बिरामी भयो र मर्यो । तिनले एलियालाई सोधिन् किन परमप्रभुले तिनका साथ यस्तो हुन दिनुभयो ।
एलियासँग पादरीत्व थियो । उनले महिलाको छोरालाई आशीर्वाद दिए र उसलाई फेरि जीवित हुन अनुमति दिनुहोस् भनेर परमप्रभुलाई बिन्ती गरे । बालकले फेरि सास फेर्यो र महिलाले एलिया परमप्रभुका अगमवक्ता हुन् भनेर थाहा पाईन् ।