“नेहेम्याह,” पुरानो करारका कथाहरू (२०२२)
“नेहेम्याह,” पुरानो करारका कथाहरू
नेहेम्याह
यरूशलेममा पर्खाल पुनर्निर्माण गर्दै
नेहेम्याह फारसमा बस्ने यहूदी थिए । उनी राजाका विश्वासिला सेवक थिए । एक दिन नेहेम्याहले यरूशलेमका यहुदीहरूले दुःख पाएको सुने । यरूशलेमको रक्षा गर्ने पर्खालहरू ध्वस्त भएका थिए र कहिल्यै पुनर्निर्माण गरिएको थिएनन् । यरूशलेम खतरामा थियो । नेहेम्याहले उपवास बसे र परमप्रभुको सहयोगका लागि प्रार्थना गरे ।
राजाले उनी किन यति दु:खी छन् भनेर नेहेम्याहलाई सोधे । तिनले राजालाई यरूशलेमको खतरा बारे बताए । राजाले सहयोग गर्न सक्ने बताए । नेहेम्याहले यरूशलेम गएर फेरि पर्खाल बनाउन अनुरोध गरे । राजाले नेहेम्याहलाई अगुवा बनाए र उनलाई चाहिने सामानहरू दिए ।
नेहेम्याह र यहूदीहरूले यरूशलेमका पर्खालहरू फेरि बनाउन सुरू गरे । तर तिनीहरूका शत्रुहरूले तिनीहरूको खिल्ली उडाए र तिनीहरूलाई रोक्न खोजे ।
शत्रुहरूले नेहेम्याहलाई सहर छोड्न बहकाउने प्रयास गरे। तर नेहेम्याहले छोडेनन् । तिनले परमप्रभुमा भरोसा गरे । उनले राम्रो काम गरिरहेका थिए ।
नेहेम्याहले आफ्ना मानिसहरूलाई नडराउन भने । तिनीहरूले यसलाई सुरक्षित राख्न पर्खालमा पहरेदारहरू राखे । यहूदीहरूले पर्खाल निर्माण गरिरहे । परमप्रभुले यहूदीहरूलाई शक्ति दिनुभयो र तिनीहरूले ५२ दिनमा पर्खाल पूरा गरे । यरूशलेम फेरि सुरक्षित भयो ।