“गिदोनका सेना,” पुरानो करारका कथाहरू (२०२२)
“गिदोनका सेना,” पुरानो करारका कथाहरू
गिदोनका सेना
युद्धमा परमप्रभुमा भरोसा राख्दै
इस्राएलका मानिसहरू धेरै वर्षसम्म आशीषित थिए । तर तिनीहरूले परमप्रभुका आज्ञा पालना नगर्ने छनोट गरे । तिनीहरूलाई उहाँलाई सम्झन सहयोग गर्नका लागि, परमप्रभुले तिनीहरूका शत्रुहरू मिद्धानीहरूलाई तिनीहरूका खाना र जनावरहरू लैजान दिनुभयो । इस्राएलीहरू भोकाएका थिए, त्यसैले तिनीहरूले परमप्रभुलाई सम्झे र उहाँलाई सहयोगका लागि प्रार्थना गरे ।
गिदोन एक गरिब परिवारका मानिस थिए । परमप्रभुले एक स्वर्गदूतलाई इस्राएललाई मुक्त गर्नका लागि उनलाई बोलाउन पठाउनुभयो । किन परमप्रभुले उनलाई छान्नुभयो भनेर गिदोन छक्क परे ।
परमप्रभुले गिदोनलाई इस्राएलीहरूले झूटा देवताहरूको पूजा गर्ने ठाउँहरू नष्ट गर्न भन्नुभयो । जब गिदोनले आज्ञा पालन गरे, मानिसहरू रिसाए ।
इस्राएलीहरू गिदोनलाई मार्न चाहन्थे । तर उनलाई चोट नपुर्याउन गिदोनका बुबाले तिनीहरूलाई विश्वास दिलाए । गिदोनलाई सुरक्षित राखिएको थियो ।
गिदोनले इस्राएललाई मुक्त गर्न सक्छन् भन्ने सोचेका थिएनन् । मिद्धानी सेनामा १,३५,००० भन्दा बढी सिपाहीहरू थिए । तर परमप्रभुले गिदोनलाई वुद्धि र बल दिनुभयो ।
परमप्रभुले तिनीहरूले आफ्नैले नभई उहाँको शक्तिले जित्न सक्छन्भनेर इस्राएलीहरूले थाहा पाऊँन् भन्ने चाहनुहुन्थ्यो । इस्राएलसँग ३२,००० सिपाहीहरू मात्र भएतापनि, परमप्रभुले गिदोनलाई डराएका सिपाहीहरूलाई घर पठाउन भन्नुभयो । २२,००० घर गएपछि, १०,००० सिपाहीहरू सहित इस्राएलीहरू बाँकी रहे ।
परमप्रभुले भन्नुभयो कि १०,००० भनेको अझै धेरै सिपाहीहरू हुन्। उहाँले गिदोनलाई सेनालाई पानीमा लैजान भन्नुभयो । सिधै तिनीहरूका मुखले पानी पिउनेलाई घर पठाइयो । पानी पिउन हात प्रयोग गर्नेहरू बस्न सक्थे। अब ३०० जना मात्र बाँकी थिए ।
अन्तमा, इस्राएलीहरू लड्न तयार भए। मिद्धानीहरूलाई कसरी हराउने भनेर परमप्रभुले गिदोनलाई देखाउनुभयो । तिनीहरूलाई तर्साउन गिदोनले आफ्ना सेनाहरूलाई तुरही र बत्तीहरू प्रयोग गर्न भने । कोलाहल र बत्तीहरूले मिद्धानीहरूलाई यति धेरै अलमल्लमा परे कि तिनीहरू आपसमा लड्न थाले । त्यसपछि तिनीहरू चिच्याए र भागे ।
गिदोनले परमप्रभुमाथि विश्वास गरेका हुनाले, इस्राएलीहरूले ठूला मिद्धानी सेनालाई मात्र ३०० सिपाहीहरू सहित पराजित गरे । परमप्रभुले इस्राएलका मानिसहरूलाई मुक्त गर्नुभयो ।