“राजा दाउद,” पुरानो करारका कथाहरू (२०२१)
“राजा दाउद,” पुरानो करारका कथाहरू
१ शमुएल १८–१९; ३१; २ शमुएल १; ५; ११–१२
राजा दाऊद
राजाका सङ्घर्षहरू
इस्राएलका राजा शाऊल गोल्यत माथि दाऊदको विजयबाट प्रभावित भए । शाऊलले दाऊदलाई आफ्ना सेनाहरूका अगुवा बनाए ।
दाऊदले परमप्रभुलाई माया गर्थे र सधैँ सही काम गर्न चाहन्थे । इस्राएलका मानिसहरूले दाऊदलाई माया गर्थे ।
शाऊलले ईर्ष्या गरे र दाऊदलाई मार्न खोजे । तर दाऊद परमप्रभुको पछि लागे र परमप्रभुले तिनलाई शाऊलबाट बचाउनु भयो ।
इस्राएलीहरूले धेरै युद्धहरू लडे । एक दिन शाऊल र तिनका छोराहरू युद्धमा मरे । दाऊदले तिनीहरूलाई माया गर्थे र तिनीहरूको मृत्युको सम्बन्धमा थाहा पाएर धेरै दुःखी भए । अब इस्राएलीहरूलाई नयाँ राजा चाहिएको थियो । परमप्रभुले दाऊदलाई राजा बनाउन छनोट गर्नुभयो । मानिसहरू खुसी भए ।
१ शमुएल ३१:२-६; २ शमुएल १:११–१२; ५: १–५
परमप्रभुले राजा दाऊदलाई आशीर्वाद दिनुभयो र उनलाई डोऱ्याउनुभयो । परमप्रभुको सहयोगले दाऊदको सेनाले आफ्ना शत्रुहरूलाई जित्यो ।
कुनै दिन जब दाऊदले लडाइँमा जानु पर्ने थियो, तिनी घरमै बसे । उनले एउटी सुन्दर महिला देखे । तिनको नाम बतशेबा थियो र दाऊदले तिनलाई विवाह गर्न चाहन्थे । तर तिनले दाऊदको सेनाका सिपाही उरियाहसँग विवाह गरिसकेकी थिईन् ।
दाऊद बतशेबासँग विवाह गर्न चाहन्थे, त्यसैले उनले तिनका पति उरियाहलाई खतरनाक युद्धमा पठाए ताकि उरियाह मारिनेछन् ।
उरियाह युद्धमा मरे भनी दाऊदले छिट्टै बुझे । दाऊदले बेतशेबालाई आफ्नो घरमा ल्याउन आफ्ना नोकरहरू पठाए र तिनले तिनलाई विवाह गरे ।
तर दाऊदले गरेको काममा परमप्रभु खुसी हुनुभएन । दाऊदको पाप कति गम्भीर थियो भनी बताउन परमप्रभुले नातान नामक अगमवक्तालाई पठाउनु भयो । दाऊद उरियाह र बतशेबालाई गरेको कामका लागि धेरै दुःखी भए । परमप्रभुबाट क्षमापनका लागि उनी प्रार्थना र उपवास बसे ।