“राहाब र जासूसहरू,” पुरानो करारका कथाहरू (२०२२)
“राहाब र जासूसहरू,” पुरानो करारका कथाहरू
राहाब र जासूसहरू
एउटा छनौट जसले एक परिवारलाई बचाउँछ
राहाब नाम गरेकी एउटी स्त्री इस्राएलीहरूले कब्जा गर्नुअघि यरीहोमा बस्थिन् । परमप्रभुले लाल समुद्रलाई इस्राएलीहरूका लागि विभाजन गर्नुभएको थियो भनेर तिनले सुनिन् । परमप्रभुले इस्राएलीहरूलाई उनको सहर विरुद्ध लड्न सहयोग गर्नुहुनेछ भनेर राहाबलाई थाहा थियो । यरीहोका मानिसहरू पतीत थिए ।
अगमवक्ता यहोशुले इस्राएली सेनाको अगुवाइ गरे । तिनले यरीहोमा दुई जासूसहरू पठाए । तर जासूसहरू देखिएका थिए र यरीहोका राजाले तिनीहरूलाई पक्रन पहरेदारहरू पठाए ।
जासूसहरू राहाबको घरमा आए । राहाब जासूसहरूलाई सहयोग गर्न राजी भईन्, त्यसैले तिनले तिनीहरूलाई आफ्नो छतमा लुकाईन् ।
राजाका मानिसहरूले राहाबको घर खोजे तर जासूसहरूलाई भेट्टाउन सकेनन् । तिनीहरू गएपछि, राहाबले जासूसहरूलाई आफ्नो परिवारको सुरक्षा गर्न आग्रह गरीन् जब तिनीहरूको सेनाले यरीहोको विरुद्धमा लड्न आयो । जासूसहरूले राहाबलाई उनको परिवार सुरक्षित रहने वाचा गरे । त्यसपछि राहाबले जासूसहरूलाई भाग्न प्रयोग गर्नका लागि आफ्नो झ्यालबाट डोरी फ्याँकिन् ।
जासूसहरू अगमवक्ता यहोशुकहाँ फर्के र राहाबको घरमा कसैलाई हानी नगर्न इस्राएली सेनालाई भने । पछि, जब इस्राएलीहरूले यरीहोसँग लडाइँ गरे, तिनीहरूले राहाबलाई आफ्नो प्रतिज्ञा पूरा गरे । राहाबको साहसले उनको परिवारलाई बचायो । उनको परिवार परमप्रभुका जनहरूमा सामेल भयो ।