“अगमवादिनी डेबोरा,” पुरानो करारका कथाहरू (२०२२)
“अगमवादिनी डेबोरा,” पुरानो करारका कथाहरू
अगमवादिनी डेबोरा
एक अगुवा जसले इस्राएललाई परमप्रभुमा विश्वास गर्न सहयोग गरे ।
डेबोरा अगमवादिनी थिईन्, आस्थावान इस्राएलकी अगुवा जो परमप्रभुबाट प्रेरित थिईन् । उनका मानिसहरूले परमप्रभुका आज्ञाहरू पालन गर्न छोडेका थिए र कनानीहरूले तिनीहरूमाथि शासन गरे । २० वर्ष पछाडि, इस्राएलीहरूले परमप्रभुको सहयोगका लागि प्रार्थना गर्न सुरू गरे ।
परमप्रभुले उनीहरूका प्रार्थना सुन्नुभयो । उहाँले डेबोरालाई कनानीहरू विरुद्ध लड्न इस्राएलीहरूका सेना जम्मा पार्न भन्नुभयो ।
कनानी सेनासँग धेरै सेना र रथहरू थिए । यसले इस्राएली सेनालाई त्रसित बनयो तर डेबोरालाई भने होइन । परमप्रभुले उनीहरूलाई सहयोग गर्नुहुन्छ भनेर उनलाई थाहा थियो ।
बाराक इस्राएली सेनाका अगुवा थिए । उनी लडाइ गर्न चाहँदैनथे । तर उनले सोचे कि यदि डेबोरा सेनासँग गईन् भने, परमप्रभुले उनीहरूलाई रक्षा गर्नुहुनेछ । डेबोरा जान सहमत भईन् । एउटी स्त्रीले कनानी सेनाका अगुवा सिसेरालाई हराउने छिन् भनी उनले भविष्यवाणी गरिन् ।
इस्राएली सेना पहाडमा भेला भए र कनानीहरू उपत्यकामा भेला भए । डेबोराले बाराकलाई पहाडबाट तल जान भनिन् । उनले प्रतिज्ञा गरिन् कि परमप्रभु उनीहरू सँगै हुनुहुनेछ ।
परमप्रभुले वर्षा पठाउनुभयो र कनानीहरूका रथहरू पानीमा बगाइए । धेरै कनानीहरू नदीमा डुबे तर सिसेरा भागे ।
न्यायकर्ताहरू ४:१५, १७; ५:४–५, १९–२२
याएल नाम गरेकी महिला नजिकैको पालमा बस्थिन् । उनले सिसेरालाई भाग्दै गरेको देखिन् र उनको पालमा लुक्न भनीन् । याएललाई थाहा थियो कि ऊ कनानी सेनाको अगुवा हो र उसले धेरै मानिसहरूलाई चोट नपुर्याओस् भनेर उसलाई मारीन् ।
डेबोराको भविष्यवाणी सत्य ठहरियो । सिसेरा वीर महिलाद्वारा पराजित भए । परमप्रभुले उनीहरूलाई कसरी बचाउनुभयो भनेर इस्राएलीहरूलाई सम्झना गराउन सहयोग गर्न डेबोराले गीत गाईन् । इस्राएलीहरूले आज्ञाहरू पालन गरे र ४० वर्षसम्म शान्तिमा जिए ।